【金像奖2019】新生代演员齐任司仪　游学修：我哋有能力做到

第38届香港电影金像奖颁奖典礼昨日（14日）完满落下帷幕，本届金像奖为了秉承Keep Rolling的主题，请来32位新生代演员担任司仪兼负责开场表演，击鼓展示气势又大展舞技，引来网民盛赞。在颁奖典礼完结后，吴肇轩、凌文龙、胡子彤、游学修、袁澧林及朱鉴然接受《香港01》访问，分享这个难忘的经历。

在香港的影坛盛事上身负重任，他们皆大呼紧张。吴肇轩说：“成班好朋友一齐做呢件事系一世都唔会忘记，同好难再有咁嘅机会。”胡子彤说：“又要打鼓、又要跳舞、又要讲嘢，紧张但好开心，成班32个新人一齐做呢件事，最后大家系觉得ok嘅，咁就已经好满足。”游学修说：“无论几紧张都好，都一定要做好佢，所以我相信表现出嚟OK嘅。”朱鉴然说：“最劲嘅系我哋排练咗咁多次，上台𠮶刻已经好自然咁做咗出嚟。”袁澧林说：“我哋32个跳《疾风》嘅时候我真系好感动，有啲冲动想喊，尤其系刘德华话而家传承俾新人嘅时候，虽然迫自己笑住咁跳舞，但内心好百感交集。”

【金像奖2019】独家专访幕后创作团队 Keep Rolling唔系得个口号

32个新生代演员一起排练了一个多月，游学修说：“我觉得唔系讲辛唔辛苦，呢件事系咪真系好难又未至于，而大家去做好件事系最紧要，如果小小嘢就话好辛苦，我哋唔可以讲呢啲嘢，尤其是喺呢个环境下，一定系尽200%努力做好佢！”在开场表演中，刘德华将光球传给32位新生代演员意味著香港电影的传承，问到会否感受到责任，游学修说：“我哋呢32个人唔系明星，但本住个心要话俾大家听我哋系得嘅！就算呢刻我哋未系明星，能力可能尚需磨练，但我觉得态度系最紧要，呢个态度系我哋要话畀人听我哋有能力做到，而呢32个人都有呢个心态。”

点击图辑看32个新生代演员金像奖表现！！