【金像奖2019】袁富华得奖后谂结婚︰其实已经有结婚打算

袁富华昨晚（14日）出席《第38届香港电影金像奖颁奖典礼》，以在《翠丝》中饰演的“打令哥”一角，勇夺“最佳男配角”奖。他在颁奖礼完结后接受《香港01》记者访问表示获奖后心情兴奋激动，“今日感受系比攞《金马奖》嘅时候更加激动，感慨良多，就算依家讲返都好激动，因为始于自己都系香港出世，我呢个岁数呢，其实香港电影系陪住我成长嘅，咁我见证咗香港电影嘅光辉，呢个系我想成为一个演员嘅原因，咁金像奖系喺香港电影界嘅一个最高荣誉，都系每一个香港演员都梦寐以求想得到嘅一样嘢，咁都可以讲系我嘅情意结嚟，所以头先喺头上面都好激动。”

袁富华又自爆自己在台上的“虾碌事”，他指︰“其实头先都有啲差池嘅，我将个讲辞写咗喺个电话度，晏昼先至讲‘个电话唔好冇电啊’，点知上到去真系无电㖞，无咗𠮶篇嘢，咁我唯有好慢咁去讲，咁样讲原来反而仲激动，所以都激动咗少少啰。”（依家平伏返未㗎？）“唔系㗎，依家讲都仲系好激动，因为呢个奖真系对我嚟讲系一个好奇怪嘅情意结，所以原谅我嘅激动。”袁富华也想多谢其他一起争“最佳男配角”的对手，像前辈廖启智。

袁富华在台上讲到多谢他的女朋友，他笑言是冒险多谢她︰“因为佢工作关系唔想，咁作为我哋咁老夫老妻，咁我都好尊重佢嘅意见。”（咁依家你事业得意，有冇结婚嘅打算？）“其实系咪都已经有啦，只不过依家咁多工作嘅时候要好好地去计划一下，都等咗咁多年啦，唔争在啦。”他指跟女朋友原来已经一起了三十多年，希望他们都快点有好消息吧！