【金像奖2018】黄秋生批有网媒扭曲讲词　足本内容睇清楚唔好乱传

金像奖2018虽然已经结束了一天，不过各方面的讨论声音仍然没有静下来，包括各大奖项的讨论、表演的表现、各人的致辞等，尤其是楚原的一番发人深醒的说话。不过除了楚原，黄秋生在台上的致辞也有一番讨论，不过并不是讨论他的说话，而是昨日网上传出一番并不是来自他口中的说话，而变成了是他说出。此事相当奇怪，一间传媒传出后，多方人士立即疯传，造成多方“撞车”的情况出现。现在就为大家附上秋生的足本对白，大家睇清楚喇！

各位午安，好多谢金奖像再次俾呢个机会我企喺呢度等我同大家见面。香港嘅步速呢就好快嘅，如果有一个人喺某一个范畴入面消失咗两三年呢，就好多人都唔知道佢系乜水㗎喇，所以呢就容许我趁呢个机会介绍吓我自己先。我中文名呢就系黄秋生，个意思即系话虽然黄咗喇，但喺秋天嘅时间仲有生命迹象咁解，即系好似香港电影咁样，好有生命力。我嘅职业呢系一个waiter，waiter系一个电影艺术嘅专用词，意思即系等待咁解，唔系侍应。我等咩呢？等埋工喇等工作喇等运到喇等等等等，有阵时我系一个actor，actor唔系解作行动者，系解作演员咁解啫。但其实我真正身份系一个编剧。

上个礼拜我同一个老友倾偈，倾开话写剧本最重要嘅元素系咩呢？佢话最重要呢系有两个元素，第一个元素系出人意表，另一个元素就叫做情理之中意料之外。咁我就话出人意表同意料之外系同一样嘢喇吓话？佢话唔系，有少少唔同，出人意料就系你估唔到嘅，情理之中意料之外呢就系好合理嘅，但你又系估唔到嘅，咁我问例如系点样呀？例如出年仲有无香港电影呢？呢个就系出人意表喇，你估唔到。但情理之中意料之外呢就系，喂我哋年年都有香港电影㖞，好合理呀。Ok，我睇而家睇吓提名嘅片段，睇吓边套系情理之中意料之外。

【金像奖2018】古天乐夺影帝5000网民激赞：佢对香港电影仲有团火

【金像奖2018】楚原夺终身成就奖爆粗叹好景不常：拍咗几部仆Ｘ片

【金像奖2018】古天乐曾公开坦承犯错 入行24年低调行善回馈社会

由于自己的发言被严重扭曲，甚至有传媒记者无中生有改写其内容，黄秋生终忍不住发声明评击和澄清，他昨晚（16日）在facebook发长文以“没有最荒谬，只有更荒谬。”为题作出回应，表示自己花了一星期写讲稿，也有交给大会过目，本来是想为香港电影业打打气，结语是“我们每年都有香港电影”，他从未说过“有个政协在北京说…”这些字眼，直指有某个网媒和某个“网咖”把他的说话乱编到政治层面去，他本人是绝不支持港独，批评始作俑者恶毒。