【开心速递】林淑敏签经理人约 终于变亲生女：大小姐真系帮咗我
凭著《爱·回家之开心速递》中饰演大小姐一角，林淑敏(Mandy)的人气极速急升，除了角色本身的野蛮泼辣性格之外，跟送水辉（许家杰饰）的感情线亦相当受关注。人气急升，收入自然会相对的增多，除了这样，连TVB都立即签她做亲生女，将本来的普通艺员合约变成经理人合约，对Mandy相当之重视。
对于自己改签经理人合约，Mandy在接受《香港01》访问时，她说：“我又唔觉得系好大转变嘅，转咗约啫。当时选港姐都系签经理人，𠮶阵时选完我唔签TVB嘛，之后再入返TVB先签艺人合约。今次签经理人系因为觉得方便啲，而家有啲好多job都唔系剩系揾我，会揾埋家杰佢哋，如果能够一次过倾都会方便啲客揾我。（加人工？）系少少调整嘅，但唔系因为呢个原因嘅，其实我本身份约都差唔多到期要再签，咁每次renew其实TVB都有个加幅俾我哋，个个演员都有嘅。”
今次签下经理人合约，其实会否觉得公司比以前更加重视自己呢？Mandy表示：“我觉得系身边嘅同事系邓我开心咗，大家识得太耐喇，你知呢间公司嘅同事大家都好似唔系好会走咁，相处咗十年八年，有时佢哋行开行埋见到我都会邓我开心，反而我会钟意呢种情绪，佢哋邓我好开鼓励我，我系好感动，因为呢啲真系爱嚟。”大小姐一角其实帮了Mandy真的十分多，连她自己也相当认同：“系呀，我真系觉得系，唔系我帮到件事，系件事帮咗我。佢个剧本我成日觉得，呢个角色唔落喺我度做，任何一个人做其实效果都唔会相差得太远，因为本身个故仔真系好。我又真系好彩，呢种角色之前未必有好多人涉猎过，但我系觉得剧本好，无论揾边个做，出嚟嘅效果唔会系天同地咁远。”
之前《香港01》也报道过，许家杰说Mandy有广告工作会推荐埋佢（内文：【开心速递】出道八年靠送水辉上位 许家杰：最紧要系多谢林淑敏），令他心存感激，Mandy谦虚地表示：“唔好话我带佢，边个带边个都未知，哈哈！其实系大家互相建议㗎啫，互相推荐。其实唔只我同佢，之前伟健Terry都有打俾我，有一个工作佢都有推荐我俾个客，我同Mandy都有客想我哋一齐出job，啱啱同KC又拍咗个广告，都系我哋会同个客推荐。我哋大家互相推荐，呢个系我哋做咗咁多年积落嘅嘢，我系好开心，大家好齐心。”
经历这段时间，由一名不是太出名的配角，变成街知巷闻的大小姐，再到TVB为她签下经理人合约，会否有一种挨到出头天的感觉呢？Mandy指：“我未有出头嘅感觉，可能我反应迟钝喇，但系忙咗嘅，都系咁做。但唔会因为咁样而令我性格有改变，我身边嘅人亦唔会因为我有咩改变而对我有改变，但好明显佢哋见到我而家比以前好咗，佢哋系开心嘅。有一次我同家杰去唱歌，有位以前同我一齐选港姐嘅同事，我2000选港姐，好似真系走剩我一个，阿简都走咗喇。佢特登入嚟后台揾我，佢同我讲可以喺电视见到我，我哋𠮶届应该系得返我，仲见到我拍紧真系好开心。有位拍摄嘅同事，佢都同我讲，返到屋企睇（爱‧回家），由细个睇我到而家真系好开心，我谂我系有啲集体回忆俾到佢哋啩，哈哈！见到佢哋邓我开心真系好感动。”
究竟2000仲有咩港姐呢？大家一齐睇睇。
【开心速递】出道八年靠送水辉上位 许家杰：最紧要系多谢林淑敏