《垃圾》首映林耀声郁手打冯素波劲惊青　软硬开骚葛民辉周身飞债

冯素波（波姐）、葛民辉（阿葛）及林耀声昨日（15日）出席参演的关注虐老主题电影《垃圾》首映礼，在放映后三位与麦婉欣导演分享，林耀声在戏中演衰仔，要对波姐动粗，他说：“拍嘅时候公共屋邨好细，又多杂物，拍嘅时候都好惊整亲波姐。”波姐笑言：“我叫佢千祈唔好掂到我，你点样发脾气都掉开晒啲嘢先，唔好一埋嚟就打我。如果照正咁打，我一仆前又撼台，跌落地又撼櫈，另一只脚都唔知企边度。”

波姐又分享到，由于制作组冇资金请临时演员，所以他在码头向落船乘客派传单的一幕，亮相的全是真乘客，波姐觉得几得意，还表示：“佢哋落船见我派传单畀佢，就问：‘乜嘢嚟㗎？喺边度食㗎？’”而陈志云亦是有份观影的嘉宾，他大赞这是一部很好的短片，并谓：“好有钱嘅人都可能会畀人虐待，忽略佢，完全唔理佢，特区政府关注儿童被虐嘅时候，有一个刑事责任去举报，我觉得长者俾人虐待都要有一个公民责任去举报，因为佢哋自己唔会觉得自己俾人虐待，佢觉得可能系自己做错嘢，希望大家将呢个讯息传出去。”

《垃圾》继早前获得美国洛杉矶独立短片奖的多个奖项后，近日再获得“法国康城世界影展”的“最佳银髪影片”、“最佳人道主义影片”及“最佳女演员（短片） ”三个奖项，波姐说希望导演再开拍电影，带他们一起到海外的影展，又说：“冇奖攞，唔使我做都唔紧要，最紧要导演带埋我去玩。”

波姐过往曾做白内障激光手术，近日因晶体变厚而再做另一手术，生活没太大不便，最主要是如果太近睇黑色的物体时会有影响，讲到林耀声著黑色衫，波姐说：“有黑衫嘅人行到埋嚟，我以为系墙，就会撞落去，正话直行都见唔到部机仲喺度，凡系好黑嘅嘢、好白嘅嘢，要企定畀我睇，闪过会见唔到。”

软硬刚公布即将会开拉阔音乐会，当然一票难求，连波姐都开声要飞，问阿葛是否有很多飞债要还，他说：“唔系我还嘅，我系食物链最低𠮶层，波姐俾人追，无啦啦影响到老人家，好彩今日有电台代表嚟咗，佢目击一切，见到波姐坐地起飞，老人家开初话两张，突然间话要四张。”