单身港男不满被要求上缴$2000消费券　阿妈：冇拖拍即冇地方用钱

【电子消费券2022／支付宝HK（AlipayHK）／BoC Pay／八达通／PayMe／Tap & Go（拍住赏）／微信支付（WeChat Pay HK）】第二阶段首2000元消费券已于8月7日发放，有港男于讨论区发文大呻，原计划将消费券当饭钱，惟日前妈妈称“好多嘢想买”，要求他一起去购物。他明言不想将消费券全部上缴，却被妈妈责骂“而家冇拖拍即系冇地方用钱啦，好应该畀晒啲消费券钱佢买嘢啦”。

该名港男于香港讨论区以“阿妈话我冇拖拍就应该要畀晒啲消费券佢”为题发文，不满称“冇拖拍就要畀晒啲钱你㗎啦咩，买完啲嘢又用唔到，啲钱我拎去食饭唔好咩？”，“真系愈谂愈唔想同佢一齐去畀钱买嘢！”。

不少网民劝楼主应孝顺一下妈妈，“好心你就唔好咁小气啦”、“2000蚊都唔舍得？”、“重点不是有无拍拖，而系钱作怪。除咗畀家用之外，日常对父母孝敬下都唔少得，你自己衡量下啦”、“畀一半屋企人买嘢啦，又唔系自己钱”、“阿妈用咁多钱养大你，你咪畀返啲钱佢当息啰”。

不过也有网民认为“有时唔系话$2000都唔舍得，可能佢阿妈讲嘢令到佢听落唔舒服，咁样唔畀啰”，有人则建议“你坤老母话有拖拍咪得啰！”、“今次2000畀佢用，下次3000就留返自己用”。

有网民就分享类似经历，“小弟嘅情况都同楼主差唔多，一收到$2000消费券，就要用其中一半买超市现金券，然后上缴畀阿妈当额外家用。唉，我攞消费券都系想自己食好少少，同埋买下心头好㗎”。