港夫妇Brian移居日本8个月提早回流　拍片讲2大原因　网民斥懒散

香港夫妇YouTuber“Brian在日本住”去年10月“裸辞”带着半年生活费移居日本追梦，一度拒绝找工作，拍片“告急”推会员制，求观众“课金”留日生活费而被闹爆“网络乞儿”。夫妇持工作假期签证于日本留了8个月，Brian于6月25日宣布决定提早离开回港，提到在日本做兼职工被迫舍弃拍片时间，认为自己更喜欢经营YouTube频道，最终决定舍弃留日生活；另一原因是日本食物太过单一，无法吃到麻辣米线，“原来食唔到自己想食嘅嘢呢，系会令到自己咁抑郁”。

网民批评Brian失败原因是为人懒散，“懒人有千亿种借口，揾借口说服自己就系唔肯认自己懒”、“开YouTube只系一个借口，根本就系你个人懒唔做嘢”，而且事前准备不足，“其实唔系日本唔适合你住，系你唔够资金，冇钱边度都唔适合㗎啦”，又直言“思乡食物你去到边个国家都会”。

Brian于6月25日上传1段约9分钟影片宣布提早离开日本，指出起初真的一直想留在日本生活，先做起YouTube频道，再申请创业签证，惟最后没办法想到一个可行的事业，到第六个月更出现生活费及如何留在日本的签证问题。

“Brian在日本住”移居8个月提早回流

Brian表示，他有在餐厅做侍应帮补生活费及打算由兼职转全职，“但到后尾我就发现自己好痛苦，因为我可以用嚟拍片嘅时间真系愈嚟愈少”，一度要停止更新YouTube频道，“剩系苦恼点样留喺日本呢样嘢呢，都基本上系占咗我大部份嘅时间”，当时十分迷惘。他称，经一轮考虑后，认为自己更喜欢经营YouTube频道，最终决定舍弃日本生活，后期已没再找全职工作。

Brian：日本致命伤系嘢食太过单一

Brian提到另一原因，指出日本的“致命伤”是“嘢食太过单一”，“食完之后你都系会冇𠮶种满足感，嚟嚟去去就系炸鸡、拉面、意粉、便当，仲要系𠮶啲便当嚟嚟去去都系𠮶啲款，只不过系落咗唔同汁”。

Brian说，他十分喜欢吃麻辣米线，但“喺日本基本上系冇办法揾到麻辣米线，就算揾到类似嘅嘢都好啦，其实佢哋个味呢都系唔合乎香港人嘅口味或者可能唔合乎我嘅口味”、“我亦都从来冇谂过，原来食唔到自己想食嘅嘢呢，系会令到自己咁抑郁”。

网民斥：懒人有千亿种借口

网民留言批评Brian在日本生活8个月毫无成长，“好失望，你曾经去返工，我以为你有成长，结果你竟然放弃，你返兼职啫，点会拍唔到片，2个人4对手”、“重点系自己揾唔到office工，又唔想做餐厅咁cheap，所以先要返香港”、“你喺日本度咩都唔想做，点会成功呀”、“老老实实，剩系喺到FF，无觉悟无目标”。

不少网民不认同Brian指日本食物单一，“日本嘢食都叫单一，笑咗，你知唔知自己噏紧乜X”、“日本嘢食都叫单一，去外国点算？”、“嘢食单一？冇睇孤独的美食家介绍，系冇钱去食定冇心去呀！”、“呢8个月嘅得着就一碗正宗麻辣米线，知道无咗佢唔得，amazing”、“日本好多地方食到麻辣米线，废到唔想做嘢都算，但废到想食嘅嘢都唔去揾下，好嘢”。

网民批：没移居决心　建议先调整心态

有网民批评，“证明其实佢对移居呢样嘢嘅决心唔系好大……建议你调整好自己心态先试下移居，如果唔系移去边度嘅结果都系一样”、“你唔好再谂移居喇，你去边都唔会适应到”、“你唔返工，移民去边或者返香港都生存唔到”。