移民英国后悔！港女为子女焗移民　呻1问题想回流：香港点都开心

【移民英国／移民须知】移民外地，生活未必当然不会事事如意。有港女于社交平台发文，指为了小朋友而移民英国已经3年，由起初“日日以泪洗面，近乎抑郁”，到近期生活虽然开始稳定，却因为1个原因，令她不想再留在英国，明言“结论系我唔会钟意呢个地方，我依然好挂住香港”。她又说，待子女长大自立后，她就会回流香港，声言“香港变成点都好，都舒服开心过呢度”。

帖文引来网民热议，有人安慰楼主，“英国本身就系一个容易令人depress（情绪低落）嘅地方。you are not alone”。亦有网民有共鸣，“讲咗我既心声，我都仍然好挂住香港同屋企人。总之佢哋有佢哋钟意英国，我有我钟意香港”、“香港无论如何如何都是我们成长地，永远都是我们最爱的地方。返来无问题，一起把香港做好”。

“我依然好挂住香港！”该移英港女于社交平台threads发文，讲述她移民英国感受，大呻不似预期。她表示，移民英国3年，由头1年几乎日日“以泪洗面”近乎抑郁“超挂住屋企，到第2年慢慢平复以为会慢慢适应，然而第3年很多事情安顿好后，才看清英国这地方，直指“结论系我唔会钟意呢个地方，我依然好挂住香港，好挂住日本”。

移英港女斥英国饮食差：我唔会钟意呢个地方

楼主又列出英国1大问题，就是饮食，“唔使讲其他，净系讲食嘢，已经令我唔想留喺度，呢度啲人对食冇要求，放得落口就得”。她指出，明白其言论定会引起争议，“我知咁讲实有一堆人会话：嚟之前唔系预咗咩，食都讲啊，英国有啲咩咩好，你未发掘到啫or 香港而家变晒啦，唔同以前㗎喇。我无意喺度讨论呢样嘢，呢啲都系个人喜好嘅问题，总之你有你钟意英国，我有我继续挂住香港”。

楼主续说，现时留在英国，主因是为了小朋友和大人工作环境，“谂返当初系高估咗自己嘅嘅适应力，同埋呢几年通胀得好紧要，冇谂过自己会咁穷，不过知道又点？两面都系挨，当初老公好想嚟，我唔想嚟又点？离婚？总要有一面妥协，而家虽然自己辛苦，但见到小朋友开心，起码都值得”。

怀念香港　待子女长大回流

楼主补充，现在经常会看以前的旅行相及香港的相“怀念下”，“睇下都开心，我知咁样系好无谓，但咁样起码我个人开心啲，啲人话做人向前看啦，算啦我唔系积极嘅人，我喺度冇唔开心冇突然爆喊已经好好”。楼主提到，待子女长大自立后，她就会回流香港，声言“香港变成点都好，都舒服开心过呢度”。

网民看过帖文议论纷纷，有人安慰楼主，“唔好咁唔开心”、“英国本身就系一个容易令人depress嘅地方。 you are not alone”、“利申。住喺英国12年，已回流香港”。

网民支持回流：香港先有归属感

另有网民对楼主经历有共鸣，“我谂都有好多人情况同你相似，唔想离开香港／唔钟意呢度，但有时就系要妥协”、“我完全明白你感受！我都有同样谂法，我成日觉得小朋友大咗之后，我好大机会会返香港住，照顾父母”、“讲咗我嘅心声，我都仍然好挂住香港同屋企人。总之佢哋有佢哋钟意英国，我有我钟意香港，亦都唔会踩香港一脚，因为呢个地方我先有归属感，有家嘅感觉，想佢好”、“香港无论如何如何，都是我们成长地，永远都是我们最爱的地方。返来无问题，一起把香港做好”。

港女：好多时人拥有紧嘅系唔会珍惜

楼主回复网民时重申，“我只可以话，尽管香港同日本而家变得咁差，好多嘢都依然比英国好，你觉得好多香港餐厅执咗笠，食嘅都系垃圾，冇以前咁好味喇，我想话就算喺香港食嘅系垃圾，都好味过呢边嘅嘢食”。她又说，“仲有好多人冇去外地住过，通常都会觉得香港而家几差几差，好多时人拥有紧嘅系唔会珍惜”。