移民英国贱招！港男借香港银行$XXX万移英　扬言不还钱　后果惨了

【移民英国／移民须知】向香港银行“借钱”移民不用还钱？有移民英国3年港男于社交平台发文，称他移英前向香港银行借了一大笔钱，拿着几百万元到英国展开新生活，更明言永不回港还钱，“银行本身就是在赚取风险溢价，借钱出去自然要承担可能收不回来嘅风险”，强调“是我自己把握机会，作出的选择”。

帖文引来网民热议，大部份都批评港男做法离谱，也有任职国际律师行的网民指，这样做随时影响入籍，甚至被告诈骗和破产，“喺香港借银行钱走佬移民。 同做贼冇分别”、“诈骗已经唔系欠债咁简单，仲好意思讲出嚟”、“咪低B啦，香港银行业务遍及全球，在港的信贷评级可获转移，英国查到你有不良信贷纪录（烂TU）人哋仲肯批citizenship畀你？你到时签证到期仲去得边？”。

面对网民围攻，港男否认诈骗，强调“银行本身系要承受呢啲风险”，又霸气回复“唔畀入籍其实都唔紧要，唔返香港就得”。

该移民英国港男于5月26日（星期一）在社交平台发文，指有人问他“点解可以有几百万拎过嚟英国”，他解释离开前向香港银行借了1笔“不小的钱”，之后就来到英国展开新生活，“几百万喺香港做唔到啲乜，又要返工做到只狗咁，喺香港挨生挨死十几年，我而家生活终于似返个人，有工就返下，得闲去下踢下波，行下山煮下嘢食，第1年嚟到已经欧洲旅行咗好多地方”。

港男自曝借香港银行巨款移民英国不还钱

楼主表示，或许有很多人认为他做法不对，但他认为没有问题，“银行本身就是在赚取风险溢价，借钱出去自然要承担可能收不回来嘅风险。这不是单方面的决定，而是双方自愿签订的协议”，明言“我选择离开香港，来到英国，是我自己把握机会、作出的选择。世界那么大，为什么我不能为自己寻找更好的可能性？有人可能觉得这是逃避责任，但我认为这世界的事情从来都不是非黑即白。银行是有能力管理和承担这些风险的，而我，只是利用了我手上的机会，做咗对自己最好的决定”。

移英港男：是我自己把握机会

网民看过帖文议论纷纷，大部份都批评港男做法不当，“喺香港借银行钱走佬移民。 同做贼冇分别”、“嗱，做X街嘢最好低调少少”、“成世都唔返香港？唔惊收数佬搞你屋企人？”、“诈骗已经唔系欠债咁简单，仲好意思讲出嚟”、“不过银行可以告你诈骗”、“除咗人渣之外我暂时揾唔到另1个词语去形容你”、“真系无耻，影衰香港人”、“人无耻便无敌，仲好大条道理”、“唔好低估银行同律师嘅investigative skills，系恐怖到一个点”。

涉诈骗或影响入籍英国

也有自称曾任职国际律师行的网民指出，“英国国际私法有条规则，银行可以喺外国告你，拎个判决，然后过嚟英国叫英国法庭执行外国法庭嘅判决，效果同一个本地英国裁决一样，到时就会留底影响入籍之余，破产都有可能”。

移英港男否认诈骗：我成世唔返香港㗎啦！

面对网民围攻，楼主留言明言“冇错我系谂住成世唔返（香港）㗎啦！”，但否认诈骗，“我唔系诈骗㖞，我畀嘅入息证明啲TU record全部都系真㗎㖞，我系生活有困难还唔到，只系我冇选择破产而系移民啫”，强调“银本身系要承受呢啲风险，佢哋系睇过我profile先借畀我”。他又说，即使无法入籍英国也无所谓，“当然我都谂过会唔会有影响啦，但嚟咗差唔多3年我都几肯定冇，如果唔畀入籍，其实都唔紧要，唔返香港就得”。

不过亦有网民质疑事件真伪，“有咩可能真系咁样做呀？个个都咁做香港银行咪蚀死？”、“补充一下，潮文多数开头都系……好多人/有人问我点解我可以xxx……大家唔使太认真”、“一般冇抵押冇其他担保人，总共借到月薪20倍已经系极限。除非楼主十几万月薪啦，如果有咁高月薪，储都储到几百万啦，使唔使冒呢个险，仲要周围唱？所以基本上可断定是引战文，就算事件系真，借款额都一定细好多，case closed”。