牛丼新造120克熟成牛肉磅重仅约50克　港男怒批呃秤　餐厅咁解释

餐牌食物份量要留神！有港男于网上发文公审慢煮熟成牛肉饭专门店“Slow Cow 牛丼新造”，批评出餐牛肉份量与餐牌不符，120克及90克慢煮熟成牛肉经磅重后实际同样只有约50克，向职员反映后获“加肉”，但仍只得100克，比120克少。港男忿而向海关举报，更特意开设Instagram专页“过磅佬”磅餐厅食物，以防“呃秤”。有网民批评餐厅是“黑店”、“佢加完都唔够，中硬商品说明条例”、“不良销售手法+虚假商品说明，支持你笃X佢”。

“Slow Cow 牛丼新造”其后发道歉声明及留言解释，90克的意思是每份以90克牛肉熟成，“经过咁多日嘅熟成，肉嘅纤维会有改变，水份同重量都会令嚿肉轻咗”，他们会尽快将餐牌上所有重量标明清楚是熟成前。不过网民未有接受解释，批评“捉字虱不良销售手法”、“建议留返同海关讲”。

该港男于Threads发文讲述事件，他平日因健身，会记录每天进食量，故有携带食物磅外出习惯。他日前与女友在“Slow Cow 牛丼新造”吃饭，他叫了份116元120克大盛慢煮熟成牛肉，女友则叫了份88元90克并盛慢煮熟成牛肉，餐点到达时，“一眼睇落去就知90g都无，上磅仲离谱……得50（克）”，女友那份经磅重后同样只有约50克，港男说“谂谂下真系好onX，两份肉加埋都无120g”。

120克熟成牛肉磅重仅约50克

港男即时向职员反映，职员称“睇错”，会帮他加肉，但磅出来仍只有100克，港男不满道“定其实standard系50g？你地厨房连个磅都无，点统一出餐重量？”，又说“116蚊食50g牛肉唔紧要，唔好写120g”、“可能系我唔好彩，如果我无带磅出街，我连加返少少肉嘅机会都无”。

网民：呢啲黑店来㗎㖞

网民留言斥责，“呢啲黑店来㗎㖞”、“呢啲咁嘅餐厅唔可以姑息养奸！”、“呃磅恶过街市”、“少成一半太过分，个客有带磅（商家要知，唔少gym X会带）先话畀错，冇磅𠮶啲咪就咁过骨？”、“其实预咗唔会有人拎磅出嚟磅先咁过分，我相信好多餐厅都系咁做”、“饮食业仲叫大家唔好北上消费”。

有曾光顾过该餐厅的网民指出，“好彩师兄你有磅，我喺佢开业无耐食，我食mega女朋友食90（克），摆上台𠮶一刻，我唯有当自己黑仔，估唔到过咗咁耐，原来佢水准竟然系keep到”、“早2个月铜锣湾见多人帮衬就试下，叫90g好似得5定6薄块，仲要干柴无味道唔好食唔饱肚，已经唔系大食，但当时无谂过呃秤啰”。

港男：已向海关举报

港男其后留言补充，原只想发文警世，“见大家都俾唔少黑店呃过，等我今晚举报佢为大家出啖气”，并贴出已在网上向海关举报餐厅的截图。

港男更因事件特意开设Instagram专页“过磅佬”磅餐厅食物，他于ig帖文写道：“原来大家都好不满香港无良嘅呃秤餐厅，决定行多一步，帮大家磅好磅满。”

牛丼新造：餐牌重量是熟成前

“Slow Cow 牛丼新造”于港男帖文下方留言解释，90克的意思是每份以90克牛肉熟成，“经过咁多日嘅熟成，肉嘅纤维会有改变，水份同重量都会令嚿肉轻咗”，他们会尽快将餐牌上所有重量标明清楚是熟成前。

不过，网民未有接受店方解释，批评“问题系你90g同120g熟成肉，都系出50g畀人就摆到明呃秤”、“跌系会跌但都唔会少咁多啰”、“吹都有个谱好吗？”、“明显自制公关灾难！用生肉去计都讲得出”、“你呢啲解释真系收返埋啦，拎出嚟呃外行人嘅就唔好po上网俾行家笑啦”。

牛丼新造再发道歉声明

“Slow Cow 牛丼新造”之后再于Threads专页发道歉声明，指出“无论咩嘢理由，错嘅系我哋喺menu上嘅疏忽，误导之嫌系大错特错，责无旁贷”，承诺会再加强培训、审视并改善所有餐牌上字眼，确保每件产品质素及份量。牛丼新造表示，会举行3天感谢祭，招牌慢煮熟成牛肉饭将以58元发售，希望大家给予机会。

根据香港法例第362章《商品说明条例》，任何商户如就任何消费者作出属误导性遗漏的营业行为，即属犯罪。一经定罪，最高可被判罚款50万元及监禁5年。