玻璃棉铺床当被冚！装修工这样睡觉惹议　网民指1原因“痕到癫”

“呢位工人完美展现只要想瞓觉，冇嘢阻到我嘅决心！”有港男近日于网上分享1张搞笑照片，有装修工人在工地内用玻璃棉铺垫地下，然后躺在上面睡觉，更用另1块玻璃棉当棉被。帖文引来网民爆笑说，“保暖一流，唔惊冻亲”，不过不少网民指出若皮肤接触到玻璃棉会十分痕痒，吸入肺亦有害，“我以前都做过风喉，痕到X街”、“劲㖞，佢唔怕吸玻璃棉入肺㖞”、“先唔讲痕唔痕，喺玻璃棉上面咁近距离呼吸咁去休息，已经系真勇士”。

装修工人将玻璃棉当被冚

有港男于fb群组“电灯佬联盟”发文贴出1张照片，上面写有“今年度最佩服嘅人，玻璃棉当被冚”、“劲好笑，点解日日都有好笑嘢”，照片见到环境是1个装修中的工地，有工人躺在1卷玻璃棉上，身上盖有另1张玻璃棉当作棉被，他闭上眼睛，似乎已熟睡。楼主未有说明照片拍摄地点。

网民：皮肤接触玻璃棉会痕到癫

不少相信为行家的网民留言指出，若皮肤接触到玻璃棉会十分痕痒，“痕到癫”、“比跳蚤还要痒”、“我顶唔顺，上次手臂嚡到，𠮶晚冲凉冲咗好耐先冇咁痕，完全唔痕要过两三日”、“今日我包软喉，包完都用锡纸系咁黐返喺身𠮶啲出来”、“痕到X街，冲几日凉都甩唔晒，仲要冇猪咀（防毒面罩），可以变白肺”。

有网民笑言，“佢应该系免疫体”、“依位师兄可能未出粮，正所谓有钱就身痕，佢现阶段免疫咗”，有人表示，“唔好太大动作，可能真系唔痕”、“掉转用银色面当被冚，玻璃棉向上，应该唔会痕”、“靓玻璃棉真系唔痕”、“靓嘅玻璃棉会好啲，玻璃棉纤维比石棉安全，但都不可忽视对肺影响”、“其实我都唔痕，真系好睇人，我揽住贴实个身，成旧咁搬都无问题”。

玻璃棉是隔热吸音装修材料

玻璃棉是由玻璃纤维制成的保温、保冷、隔热、吸音材料，主要用于空调风管保冷、冰箱隔热，以及天花板和墙壁的隔热、吸音。若处理玻璃棉时没做好防护，皮肤及眼睛等部位接触摩擦后，会产生刺痛或痕痒感，严重甚至会引致皮肤发炎，长期吸入或会对肺部有危害。