情人节！买花送太太竟连单据　屯门男“贴钱买难受”　花店咁解释

2月14日情人节，女士收花却连单据是什么意思？今日多个facebook群组转载帖文，屯门1名暖心港男送花予太太，结果大束粉红色玫瑰送到太太手上时，却连上单据，表明花束要1,480元，他不满指“连埋张单，咩嘢玩法！？贴钱买难受中”，又指致电花店，对方竟回应“唔关佢事，系送货问题”。

有网民指家人以前经营花店，“自己送畀自己通常就会咁”，部份女顾客会要求送货先检查好再付尾数，故有人批评花店“求其”，“畀其他同事见到仲以为自己买畀己”。但帖文却引来更多爆笑回应，安慰道“好在张单唔系写咗买2扎”、“证明唔系北上或淘宝货”，又打趣问“扮咩吖，张单系叫老婆找数嘅”。

买52枝玫瑰送太太竟“连埋张单”

今日多个群组转载1则屯门街坊群组“真‧屯门友”的帖文，“爱妻号”楼主指，今日情人节顺利向太太送花，但大束玫瑰却“连埋张单，咩嘢玩法！？贴钱买难受中…”。

花店解释：系送货问题

照片所见，楼主送了大束粉红色玫瑰，单据上写有今日日期及送货时间早上10点到中午12点，货品名称写上“52枝代安娜+彩星 粉色金边纸”花束连运货价格1,300加180元，合计1,480元。他致电花店问花束连单据原因，“佢就话唔关佢事，系送货问题”，无奈道“咁我之前畀钱畀边个，SOX”。

网民安慰：好在张单唔系写咗买2扎

不少网民“安慰”楼主，称“好在张单唔系写咗买2扎”、“证明系香港制造，唔系北上或淘宝货”、“通常之后就会话：千几蚊折现比我好过啦！”、“放心啦～好少事，我之前第一次送花畀老婆，佢张签收单上面写住‘熟客’”、“有张单好少事啫，都未系到付”、“啲人做嘢求其到”。

忧太太被误会“自己买畀自己”

有网民分享，部分花店连单据送货，也有难言之隐，“屋企人以前做花店，自己送畀自己通常就会咁，有啲奄尖女人怕送到啲花唔靓唔满意要收到货先畀尾数”、“呢间舖真系倒米，送埋张单畀人，收花𠮶个，畀其他同事见到仲以为自己买畀自己”、“店主咁嘅答复真心搏X”。有同样经历的网民表示，“完全冇咗收花惊喜𠮶个意义”，当时光顾的花店一样卸责送货员。

也有坏心眼网民开玩笑，指“扮咩吖，张单系叫老婆找数嘅”、“攻心计，高章呀。畀太太知道千几蚊买扎咁嘅花，畀佢X几嘢，以后可以唔使送”、“识玩，买$600开$1,480”、“方便同太太 claim 返数”。