港妈产后样貌身型走样 自信全失感难吸引老公：佢冇再掂过我
妈妈十月怀胎“揾命搏”诞下孩子后，面对照顾子女、产后修身或重投职场等问题简直是“压力山大”，这时“神队友”的帮忙非常重要。有港妈日前于讨论区发文大呻，诞下第二胎后自感样貌及身型也走样，更一度被误会与奶奶是两姊妹。失去自信的她觉得被老公嫌弃，直指很久没有亲密关系，担心长久下去两人感情变淡，最终会离婚收场。
该名港妈前日（28日）于亲子王国讨论区发文，称自从诞下第二胎后，“老公就一直冇再掂过我”，怀疑自己产后样貌及身型也走样，因而被老公嫌弃。当她提及两人很久没亲密行为时，老公却以“返工忙冇时间”为由解释，令她更觉对方“似系想逃避我”。
港妈感到非常担心，表示自己本来样貌已较成熟，产后对外表自信全失，更称早前购买孕妇装时，被误会与奶奶是两姊妹，因而大受打击，“我点睇都唔似佢妹咁大年纪吖嘛！我得30岁咋，好hurt，咁我同老公企埋一齐，咪似佢妈”。她担心未成功修身前，“主动出击”会带来反效果，但对于老公的冷淡又感到非常灰心：“我等佢主动，但无奈嘅系，佢一直都系冇主动提，连平时咀、揽都冇做，心已经灰晒，佢系咪已经系唔爱我？”
她又说，老公以往与朋友聚餐也会带她出席，惟产后已没再携眷，认为对方“怕我影衰佢”。她又不满称老公无心维系双方关系，担心感情变淡最终导致离婚收场，“佢唯一做到嘅系每日都会主动打电话畀我倾计，但返到屋企见面，我哋系冇话题，佢好快就瞓咗，每日都系咁！我觉得好辛苦”，直言已对老公死心，“佢唔系一个好老公，完全冇顾我感受”。
不过提及离婚，港妈又担心一旦分开生活，自己没足够经济能力照顾两名子女，害怕会对子女造成影响，“唔能够生完小朋友走咗去唔理，我做唔出！所以我又决绝唔到离婚”。因此她还是决定先“紥肚keep fit”，“扮靓真系唔系为咗个男人！系为自己”。
帖文引来不少妈妈讨论，有人鼓励楼主为自己修身重拾自信，“虽然话做人唔系净系睇外表咁肤浅，因大家都会有老去的一天，但这世界的确就系咁肤浅，外表同身材都系自己的，当然要好好打理”、“先建立返自信，有正能量，才有开心嘅生活”。
另有网民认为楼主应与老公好好沟通解决问题，“如果一个人变咗徒然”、“半年内老公唔系点掂你我觉得唔系好大件事啫，佢唔系揾女人咁其实又唔使灰到咁紧要”、“一段关系，身形唔重要，内里嘅交流先至系最重要，一个家系要靠爱去维系，将来遇到什么困难都系要靠彼此嘅爱去跨过”。