陪阿仔打机被嫌蠢仲闹“肥婆” 港妈自觉比不上老公：佢哋睇小我
为人父母最伤心的莫过于被子女嫌弃，一名育有两子的港妈日前于讨论区发文，泪诉被儿子嫌蠢，更遭以“肥婆”称呼，感到他们并不尊重自己。她自觉不及丈夫见多识广及有不同兴趣技能，令儿子嫌弃她：“开始感到佢哋睇小我，我好难过。”
“我冇谂过我咁用心凑大佢哋，教佢哋读书，到头来换来嘅系佢哋咁嘅态度……”该名港妈上周父亲节于“亲子王国”讨论区以“父亲节落泪”为题发文，称早时停课期间，丈夫特意买了Switch游戏机和几款游戏打算一家人一起玩，不过她一向对打机不感兴趣“亦唔叻”，故玩耍时两名儿子不断埋怨她拖累表现，甚至会出言侮辱，“话我蠢”。港妈说当时已立即指正儿子，强调“一家人一齐玩game唔系为咗胜利，唔可以对妈咪冇礼貌”，惟儿子却未见改善。
她又称，留意到儿子并非只有打机时才无礼，平日更会取笑她，以“肥婆”称呼，虽然她和丈夫都分别指责儿子，直指“咁样讲唔尊重妈妈，好冇礼貌”，不过两子态度照旧。
港妈自感能力不及丈夫，“我冇爸爸咁叻，游水，踏单车，驾车，拉小提琴我都唔识”，慨叹即使她大学毕业，工作“算系专业”，下班后也尽心照顾儿子生活，“我为照顾佢哋，即使工作上可以再晋升，我都冇谂，只想早点回家照顾佢哋”，没料到头来却被爱儿“嫌弃自己唔够叻”，感到非常难过，“我真系唔识教仔，我好失败”。
帖文引来不少家长讨论，有人安慰港妈，认为不用太介怀小朋友一时无心的言语，“唔洗唔开心㖞，打机系咁，好似人哋打麻将，揸车一样，坐上去脾气就唔好，唔代表佢睇小你，玩完就冇事㗎啦”、“细路大啲仲吐血，唔好嬲咁多，伤身的”。
更多网民则建议她要正视儿子对人欠缺尊重及无礼的问题，“你哋𠵱家唔教，将来佢哋得罪人多，自招恶果”、“唔可以纵容佢哋，要好好教育学识尊重！我建议收起游戏机直到佢哋明白问题嘅存在！做乜都有输有赢唔可以咁侮辱人，尤其自己家人”。
同场加映：港妈畀仔女功课考起