心爱公仔被细路客人分尸 家长怪服务差 店员：生出嚟唔该教好佢
不论模型或洋娃娃，对于收藏者来说都是无价宝。近日有网民在facebook抱怨，被小魔怪客人弄烂了自己心爱的OB娃公仔，其间小朋友撒谎称“呢个系我妈咪畀我”，到楼主声称要报警时，才交出已“甩皮甩骨”的公仔，令楼主相当心痛，该批孩子家长还反过来怪责她“抢细路野、服务态度差、冇教养”。帖文一出瞬间引起热议，网民力撑楼主“斋睇文字都觉得心痛”，又指应报警处理，“小朋友家长唔教，揾警察教”。
下载“香港01”App ，即睇城中热话：https://hk01.app.link/qIZYuEC5LO
有女网民近日投稿至facebook专页“西客之道”，指老板一向容许在员工工作区域摆放模型或摆设，她亦有放置两只OB娃。讵料其中一只被4个“小学鸡”取去，楼主急忙冲去阻止，要求他们放开“人质”，其中一个肥妹仔竟大声夹恶：“都唔知你讲咩，呢个系我妈咪畀我！”还将娃娃“拎住嚟甩”，其他小朋友亦附和称“系佢妈咪送畀佢”。
楼主当时忍无可忍，决定报警处理，那位带头肥妹即“淆底”放下：“玩下唔得咩小气鬼”，但当时公仔已腰间断开、手脚分离以及头发都花了。在楼主伤心之际，他们的家长竟投诉楼主“抢细路嘢、服务态度差、冇教养”，但为了劝楼主勿报警，即转口称“小朋友拎嚟玩下，唔使报警浪费警力”。
最终经大家商议后都没有报警处理，“一来唔想吓到啲小朋友有阴影”，二来他们已赔偿150元，“同事讲佢赔钱畀你已经畀到佢教训”，亦免得搞大件事惹主任怪责。楼主强调“150蚊真系赔得少”，指整个娃娃配件加起来已超过600元，“仲要串我咁大个人仲玩barbie公仔，啲烂鬼公仔拎去回收都冇2蚊”，令楼主更崩溃称“真心求下啲家长照顾好同行小朋友”，指为人父母“生佢哋出嚟有就唔该你教好佢”。
帖文瞬间引起热议，不足两小时已有300多人赞好，过百人留言。不少网民都大闹涉事细路离谱，又指“小朋友可以一齐讲大话，即系平时已经系惯犯”，有网民则认为“做错系冇报警”，指小朋友有阴影才可以确保不再犯错，亦有人替楼主心痛，“如果有人整烂我个玩具，我会同佢死过”。