港妈推住BB车要求买学生餐　不能出示证明反发烂　经理企硬一句KO

穿校服者或出示学生证人士，方可购买学生餐是常识吧，不过总有人会挑战规矩！有食店员工近日投稿至facebook专页“西客之道”，抱怨遇见一位港妈推住BB车称要买学生餐，当被要求出示证明时，却发烂说“我小朋友咁细个，唔系学生系咩？佢唔通返工咩？”令楼主相当无奈，幸得经理出手一句反驳对方，令港妈急急黑面走人。

有网民投稿至“西客之道”，指自己在某间牛肉饭专门店打工，公司规定要穿着校服或出示有效学生证才可以购买学生餐。有日楼主遇到一名推着BB车的港妈，要求买学生餐，楼主唯有态度良好地问“小朋友喺边度？”讵料对方激动起来：“有无搞错啊，咁大个小朋友都睇唔到？”然后指着BB车上那位“未识行嘅BB仔”，楼主随即解释公司规定，但港妈更加崩溃地表示，“我小朋友咁细个，唔系学生系咩？佢唔通返工咩？”

最后经理出来摆平事件，表明要跟公司规矩“执正嚟做”，反问港妈：“学生餐系学生食既，卖比学生既，你个小朋友…就算真系我卖个牛肉饭比你，你个BB都食唔食到啊？你个大人买个主套餐啦！”，港妈随即黑面走人。

下载“香港01”App ，即睇城中热话：https://hk01.app.link/qIZYuEC5LO

另有一次，又要一对父女要求买学生餐，但女儿因学校活动而穿便服，亦没有带学生证明，该名爸爸即爆粗大骂：“我小朋友咁细唔系学生系咩？”、“规矩系死嘅人系生嘅！”但楼主不为所动，爸爸一直在收银台附近大骂，吓到自己的女儿哭着说：“爸爸，我唔想食啦，我地返屋企啦”，令其他客人也忍不住说：“你积下口德得唔得啊，句句粗口教坏晒小朋友”。

不过该爸爸反驳“我点教你关你乜嘢事？”客人则以一句绝杀：“你教坏你个小朋友都算，你教坏埋在场所有包括我个小朋友，点解唔关我事？人哋都讲到明要校服或者手册先买得，好心你唔好咁难睇，仲要吓到自己个女喊成咁，你个女好惨啊！”最后爸爸黑脸重新排队，叫了两个主套餐。

帖文引起网上热议，网民力撑楼主做得好，“两个case都企硬唔跪低”，又指幸得经理坚持，而第2件事中仗义执言的客人亦“好波”。不少从事饮食界的网民则深有同感，指经常遇到这些贪小便宜的人，“其实我只系想见到张学生证啫”、“最憎就听到句‘规矩系死嘅人系生嘅’，如果系咁我使乜定规矩”。