店员肚痛落闸去厕所 遭客怒骂：边个畀咁大权力你锁门去洗手间？
“边个畀咁大权力你锁门去洗手间？”即使在顾客至上的时代，都没可能被剥夺上厕所的权利。一名店员近日投稿至facebook专页“西客之道”，抱怨客人极过份的要求，指自己有次落闸锁门去洗手间一趟，回到店舖时见到一位“面色不友好”的女客人在等候，即被怪责“你锁门做咩啊？去咗边度啊？你知唔知我企咗喺度等你？”甚至致电投诉热线“请埋啲咁嘅垃圾员工”，令楼主相当无奈。
下载“香港01”App ，即睇城中热话：https://hk01.app.link/qIZYuEC5LO
在铜锣湾一间小商场店舖工作的网民近日投稿至“西客之道”，指自己经常一个人在店内工作，主要让客人下单取货，如果要上洗手间则需要锁门，再前往商场厕所。有天，楼主肠胃不适，故需要不断来回店舖和洗手间，有次上完厕所回来就看到一位脸色不佳的OL客人站在店外。
客人见楼主回来即开声责骂：“你锁门做咩啊？你去咗边度啊？你知唔知我企咗喺度等你？”楼主则立刻道歉并指门口已贴上“请稍后片刻”的告示，但客人没有放过他，质问“边个畀你去洗手间？你知唔知我好急用，你仲要锁门”，又指“边个畀咁大嘅权力你锁门去洗手间？仲要个客企喺度等你，咩服务质素啊？”
最后OL更一边取货一边恐吓说“我一定会打去投诉你，投诉到你洗手间都去唔成，睇你以后可唔可以无人批准嘅情况擅自锁门离开间舖！”甚至致电投诉热线称“请埋啲咁嘅垃圾员工，你哋公司睇嚟都就快折”。
帖文引起网上热议，网民纷纷留言支持楼主，“唔使同佢解释咁多，直接X佢啦”、“去厕所系人权！香港太多人有精神病”，又指以前有同事因长期忍住不去厕所，“搞到肾有事死咗，所以我哋唔会攞自己健康较飞”。
（fb“西客之道”）
【第一届武博】眼界．决定境界！5月3至5日在九展举行的第一届香港武术及搏击运动博览（武博），活动包括解构武术电影的光影武林隧道、有趣好玩的武馆街游戏，以及超过100个体验班，让市民、初学者或武术专家，透过这个多元化体验型博览会，从武博扩阔眼界、提升境界！