港客点早餐多达10个要求　茶记侍应叹：可唔可以理智啲落Order呢

茶餐厅早餐深受港人欢迎，除了“快、靓、正”外，选择多亦是卖点。不过，有茶记侍应在facebook投诉，遇到有客人点餐时要求多多，无论是沙嗲牛肉面、炒滑蛋、多士、火腿至餐饮丝袜奶茶亦有不同的改动，最后更要求食物份量加大，让他与同行食客“两份食”，令楼主不禁抱怨“早餐几十个Set俾你选，你可唔可以理智啲去落Order呢”。

下载“香港01”App ，即睇城中热话：https://hk01.app.link/qIZYuEC5LO

有在茶餐厅做侍应的网民近日投稿至fb专页“西客之道 Hlspitality Secret”，他介绍自己时称“我虽然系茶记做，但可唔可以唔好叫我做阿姐呢”。除了对称呼感不满，楼主亦对客人的奇怪要求感到相当无奈，大呻曾遇过一位客人点早餐时有多达10个附加要求。

楼主说，该位要求多多的客人点餐时，指明沙嗲牛肉面要转为米粉，而米粉要“多啲、生啲、爽啲”，另外沙嗲牛肉则要“走牛肉”及沙嗲汁另上。至于套餐的火腿煎蛋厚多士，客人要求煎蛋要转为炒蛋，但指明炒蛋要“熟啲嘅炒滑蛋”，火腿要转为香肠，厚多士则要转为薄多士，并要“细火小烘”及“飞边”（去皮）。餐饮方面，楼主称客人要求丝袜奶茶要“叫起”，即在客人要求时才送上，另外“茶要浓啲，奶要多啲另上”。

客人最后更称“要多只碗仔”，声称“我早餐唔食得多嘢”，要与同行客人分享早餐。楼主下单后对客人的要求感到相当无奈，大呻“多谢你，呢个餐只卖3x蚊……你谂吓打呢张单，为咗转嘢要打几耐，你𠮶张单出到嚟又有几长”。楼主说，明白粉面“有人喜欢食淋啲，有人喜欢生啲”，但指出沙嗲牛肉是以沙嗲汁煮成，即使客人不食牛肉，沙嗲汁亦会有牛肉味。

楼主续说，客人要求炒滑蛋“熟啲”是匪夷所思，反问“炒到熟晒，又点会滑呢，你可唔可以入去厨房教吓个厨师点炒？”他又说，“太阳蛋”即“Sunny Side Up”，表示两只蛋“好似太阳咁”，直指“唔好出到嚟问我只蛋点解唔反”。身为员工，面对客人的多个要求，楼主亦只能接受，慨叹“唔系咁样去满足西Guest先叫Service好啊，老板”。

不少网民看完帖文后纷纷留言，有人笑言对同类的奇怪要求已见怪不怪，“唔系唔畀转，但系有啲客转到成个餐都唔同晒，究竟系咩心态？”、“其实好老实讲，由可以少甜少冰开始，香港人嘅快餐饮食文化已经被纵坏咗”，亦有人认为该客人要求多多是为了留难一众饮食业员工，“啲人其实唔系觉得自己系食家，而系钟意当人系玩具咁玩，工人咁使”、“对住呢啲西人只可以意见接受，态度照旧”。

（fb专页“西客之道 Hlspitality Secret”）