赶客？日本城店员被阿伯狂骂片疯传：我帮衬你啊！ 神反击获激赞
“顾客永远是对的”？本港网络疯传1段影片，有日本城收银店员与阿伯顾客在店内大声互骂争执，其间店员不满被阿伯疯狂责骂，阿伯爆粗反呛“闹你咁点X样啊？X你老X我而家帮衬你啊！同个客千祈唔好拗！无X拗嘅，你就唔好做，一系就”；店员反驳，阿伯强调“唔准拗！”。影片最后，阿伯继续购物付款，店员边按程序收款边说，“好对唔住！So Sorry！得罪晒！”，阿伯则“意气风发”表示“咁就啱喇！Good，我接受你道歉！唔好再犯喇”，然后离开，店员仍在不断高声叫“Sorry！”。
影片引来网民热议，认出涉事地点相信是西营盘日本城，而大部份人都支持店员，大赞“做得好”，“我永远唔觉得做客大晒”、“西客”、“买𠮶少少嘢嘈喧巴闭，个职员好好㖞，又讲对唔住又So Sorry，仲做足本分”、“客人唔系大晒，虽然人哋有人工，但员工都有提供服务畀大众，无欠你㗎”。不过亦有网民认为无论如何不应在店内与客人互骂，“就算道理喺自己𠮶边，都唔应该闹人，只会火上加油”。
日本城店员被阿伯狂闹：闹你咁点X样？我帮衬你啊！
面对客人责骂，店员应如何处理？本港多个Facebook群组疯传1段长约1分半钟的“日本城职员大战顾客”影片，见到日本城店内收银台位置，有店员与阿伯顾客激动互骂。
影片一开始，正在收银的店员向阿伯表示“你闹我做乜鬼啫？系咁闹我！”，阿伯回呛“我几时闹你啫？我帮紧你啊！你而家乜都唔知我梗系闹你，有乜问题啊！”。店员不满说“你而家咪闹紧我啰！”，阿伯即爆粗指“闹你咁点X样啊？X你老X我而家帮衬你啊！”。
阿伯：不准拗 店员反击
店员反驳“系啊，你X我老X啦，我老母落咗地狱喇！”，大叔却称，“X你老X都唔系做嘢嘅，你个X样！咁X简单你同个客拗？同个客千祈唔好拗！无X拗嘅，你就唔好做，一系就”。店员揶揄“咁点啊？我系咪要磕头畀你啊而家？”，阿伯强调“不准拗”，“我无叫你磕头，我叫你唔好X拗啫！你听唔清广东话？唔准拗！”。
双方之后稍稍回复平静，店员继续收银工作，“我而家无拗喇！你系咪要？要我同你收钱”。大叔回应“要”后，店员按程序收银，问阿伯有否会员卡等，并重复“好对唔住！So Sorry！唔好意思，得罪晒！”，阿伯以“胜利者”语气表示“咁就啱喇！Good，我接受你道歉！唔好再犯喇”，然后离开，店员则不断高声叫“Sorry”。影片至此结束。
网民批西客 赞店员“做得好”
不少网民看过影片都批评阿伯是“西客”，赞店员“做得好”，“我永远唔觉得做客大晒”、“西客”、“买𠮶少少嘢嘈喧巴闭，个职员好好㖞，又讲对唔住又So Sorry，仲做足本分”、“客人唔系大晒，虽然人哋有人工，但员工都有提供服务畀大众，无欠你㗎”、“又要骂又要买”、“这种西客周不时都有，出来打工就是要面对这种X街”。
亦有网民分享类似经历，“当年我公司都有啲当自己系上帝嘅客，然后有日顶唔顺，想尽办法赶走晒佢哋，结果系人流多咗，生意多咗，其实又唔系职员做错，呢啲客成日嚟乱咁闹，好影响到间舖同公司，你真系当佢哋系上帝，有时反而帮你赶走晒其他客！”。
不过亦有网民认为无论如何不应在店内与客人互骂，“就算道理喺自己𠮶边，都唔应该闹人，只会火上加油”、“做人做事，EQ高好紧要！”。