公屋悲剧│女儿私下买楼遭房署查出　婆婆被迫迁　网民1原因不同情

【公屋政策／公屋富户】政府加强打击滥用公屋，但“法津不外乎人情”？有港男近日探访1名居于大窝口邨约300呎公屋单位的老婆婆，她与1名女儿同住，但2人关系恶劣，作为单位登记人之一的女儿去年更私下买楼没有通知婆婆，结果被房屋署查到，现时被要求2月底搬走。港男对婆婆遭遇感到“心悒”，遂在网上发文求助，“不论系咩原因，都应该安排公屋衔接到，先叫人搬离或者保留原单位；面对屋内30几年嘅物品、部份囤积物品，我都唔知老人家可以点清空”。

网民看过帖文议论纷纷，但大部份人都不表同情，又质疑是否涉及瞒报，“个个俾人发现咗就话自己几惨几惨，咁咩楼都唔使收啦”、“你都onX，咁样就唔赶嘅话，咁个个俾人查到就话唔知啦”、“阿婆唔知道个女有物业，只系俾人过一戙，同法官讲啰睇下佢信唔信”、“成篇嘢都无讲下全部人家身几多？不如讲出来睇下系咪富户先”。

楼主回应时承认不清楚婆婆一家身家，但强调婆婆是被女儿“蒙在鼓里”，不涉及瞒报，“个老人家其实就冇卖惨，同埋好朴素……我系觉得好心悒先上网求救下”。他补充，已帮婆婆向楼下区议员求助。

女儿私下买楼被房署查出　公屋婆婆遭迫迁

该港男于连登讨论区以“最近做义工探访一个独居老人，原来佢俾房署迫迁，要两个月内搬离公屋”为题发文，表示“打击（滥用公屋／公屋富户）我明白，但问题人哋系咪富户先”。

楼主指出，老婆婆一家七口住在大窝口邨约300呎单位几十年，后来丈夫过身，3名子女相继搬走，只与1名女儿同住，惟女儿“情绪异常”，与婆婆关系“势成水火”，不单没有赡养和照顾婆婆，作为单位登记人之一的女儿，去年年初更私下买楼没有通知，结果被房屋署查出，要求婆婆于2月底搬离单位。

义工：婆婆被女儿“过一戙”，应先安排公屋衔接

楼主指，明白房屋署要打击公屋富户滥用，但强调婆婆对女儿买楼全不知情，“俾自己个衰女包过一戙”，而且时间紧迫，应该先安排公屋衔接才叫婆婆搬离单位，或保留原单位，“时间紧迫，二月底就要搬走，面对屋内三十几年嘅物品，部份囤积物品，同阿女购物狂引致海量衣物有床虱不闻不问，我都唔知老人家可以点清空……若无法保留原单位，都系咪应该换返一个单人公屋畀婆婆？点解冇啦啦就踢人走？要老人家重新排期？排到几时先？不论系咩原因，都应该安排公屋衔接到，先叫人搬离或者保留原单位”。

网民质疑瞒报

不过帖文引来网民争议，大部份人都不同情婆婆遭遇，质疑涉及瞒报滥用公屋，“首先有潜在虚假陈述嘅问题，如果家庭成员申报过冇其他物业嘅话，个个俾人发现咗就话自己几惨几惨，咁咩楼都唔使收啦”、“阿婆唔知道个女有物业 ，只系俾人过一戙，同法官讲啰睇下佢信唔信”、“你都onX，咁样就唔赶嘅话，咁个个俾人查到就话唔知啦”、“同阿女势成水火，但买衫又照放你屋企？”、“规矩系咁 都系无法，个个都话唔知都搞唔掂”、“成篇嘢都无讲下全部人身家几多？不如讲出来睇下系咪富户先”、“咁系佢同佢个女嘅事，唔关房署事”、“个女买咗楼唔使坐都赚咗啦，仲想要留住间屋，一个人住三百几呎，用嚟摆咁多衫，畀你重新排期，仲想点”、“几个仔女都唔理，成屋都系垃圾，明显个阿婆有问题喇”。

楼主否认婆婆瞒报　生活朴素没有“卖惨”

面对网民质疑，楼主回应时表示自己只是“义工”，不是社工，不知道对方身家，但指婆婆十分朴素，没有“卖惨”，只是他得知婆婆故事感到“心悒”，才会在网上发文求助，“我次次上去都系见到佢食白粥，然后人哋送嘅汤包、冬菇 都系咁塞畀我，（婆婆是）自己都唔舍得食，走去送畀人𠮶啲人……系今次得知呢单嘢有啲心悒ok？佢个女私下买物业，都系话呢间屋唔合乎资格，但佢老人家本身系合乎资格，冇啦啦赶人走，30几年嘅嘢搬得去边度”。

楼主续说，已上过这单位5至6次，强调婆婆没有“瞒报”，“我fact check过我先想帮下（婆婆），咪当我lulu先得㗎。如果佢真系瞒报，我点会咁上心。我接触唔少滥用义工服务嘅老人家啦，同埋由头到尾呢位婆婆冇求助，冇话报乜报乜，系讲起过往嘅故事，同唔舍得住咗咁耐嘅单位”。楼主补充，已帮婆婆向区议员求助。

楼主长文反击后，有网民安慰楼主，“楼主唔使咁上心，你又报区议员又po连登，已经尽晒力帮，唔好畀呢件事太影响心情”。