叫Keeta做错1事！港男惨$60买1对木筷子　外卖员、店员现身爆内情

网上外卖平台相当方便，但不要按错掣就付了钱兼尴尬大了！有港男于社交平台发布影片及相片，表示使用网上外卖平台Keeta时按错掣，结果以60元买了1对外卖木制筷子等餐具，大呻：“我到底瞓X醒未？”又疑惑“谂起送外卖𠮶个就咁抽住个胶袋，好想知佢谂紧啲咩”。

网民看过帖文爆笑，“2024最好笑俾你超越了”、“畀60蚊买1套即弃餐具，有钱人嘅世界真系难明”、“外卖员心谂，你到底有几需要对筷子要畀$60去买”。

令人意想不到的是，楼主帖文疯传后竟引出涉事外卖员及饺子店职员现身回应，其中外卖员更大爆送货时的心路历程，更感谢楼主“令我轻松赚$32运费”；而饺子店职员更指曾尝试联络楼主，但因电话无人接听，“谂谂下都系照出咗先”。

Keeta买外卖做错1事　变60元买木筷子餐具

该港男于冬至日（12月21日星期六）在社交平台Threads发布影片及相片，讲述是次“惨痛”经历。他表示，当日“揿错掣”，在网上外卖平台Keeta以60元价钱，于1家饺子店买了1对木筷子等餐具。

从楼主上载账单看到，这套木制餐具套装原本售1元，但加上59元的“最低消费（60元）差价”、2元平台费、13元运费，再扣减15元优惠券，总数是整整60元。

而从影片见到，一大个外卖胶袋内，只有1对“空虚”的木筷子及1只纸匙羹，楼主大呻，“谂起送外卖𠮶个就咁抽住个胶袋，然后喺餐厅过嚟我屋企𠮶段路，好想知佢谂紧啲咩。我到底瞓X醒未？”。

网民笑爆：到底有几需要对筷子

帖文引来网民热议，笑言“下次睇清楚，赚钱唔易”、“外卖仔以为你系诗人，入面装咗啲寂寞”、“想知外卖大哥拎住呢份外卖嘅心情”、“畀60蚊买一套即弃餐具，有钱人嘅世界真系难明”、“你呢个post暖我一整天 ”、“2024最好笑俾你超越了”、“外卖员心谂，你到底有几需要对筷子要畀$60去买”。

也有网民认为饺子店有责任致电客人确认订单，“其实饺子店应该致电畀你，问你系咪想点食物，但落错单乜都无点”、“ 我都试过有个客系咁，店打畀个客无人听，我打咗几次同留言比佢，问佢系咪净系要一套餐具，佢都话系，结果送去佢又X晒鬼咁话点解得套餐具，原来佢误会咗系咪一套餐具就够，其实我应该问佢系咪净系叫一套餐具无叫饭”。

外卖员、饺子店职员现身爆更多内情

帖文广泛流传后，竟然“钓出”涉事外卖员和饺子店职员现身回应，其中外卖员打趣表示，“作为㖊晚（12月21日）帮您送筷子同羹嘅外卖员，好多谢您愿意用$60买一对餐具，令我轻松赚$32运费”。外卖员续说，当晚去到餐厅，店员曾致电楼主确认但“电话唔通”，唯有依运送餐具，“收到餐𠮶一刻都唔敢相信有人用$60蚊买套餐具，再一次多谢您用$60买一套餐具促进香港经济发展，同埋令我轻松赚$32运费”。

饺子店职员称曾致电确认订单但无人接听

饺子店职员亦说，当日有致电楼主想确认订单，“本人已有打电话，但系飞去留言我都爱莫能助”；由于无法联络顾客，当时亦不确定客人是否真的单纯想要1份餐具，遂按订单派送，“我同车手都唔肯定个客系唔系纯粹真系要一份餐具，加上电话打唔通，谂谂下都系照出咗先，到时退款就照退”。

三方相认笑爆网民

面对意料之外的三方“相认”，网民笑言“畀60蚊买对筷子嘅原po：几好笑，店员：几好笑，送依张单嘅外卖员大佬：几好笑”、“估唔到同一个post车手店员同埋当事人全部喺晒度”。楼主则回应，“流量揾返店员讲有打过畀我（感谢！）冲紧凉冇听到，车手大哥接单都有笑咗，所有人都冇嘢，纯粹畀大家笑下，放松啲香港人”。