寿司郎叫$17寿司！食客见真身崩溃列2宗罪：所以香港饮食业咁失败

寿司郎是香港人气日式食店，惟未必人人满意。有食客于网上发文，表示在寿司郎点了17元1碟的“炸蚝寿司”，然而看到寿司“真身”大感不满，并力数2大“罪状”，直指“知道点解香港嘅饮食业咁失败”。

帖文引来网民热议，有网民感叹“碟寿司好有明将feel”；但也有网民认为没有问题，“间间舖啲相都同成品有距离架啦”、“正宗香港西客”、“我认同香港饮食业系有唔少问题，但你呢个问题系突显香港西客太多”。

楼主则回复，“我自己荷包出钱消费，自然对嘢食有要求，有啲人对嘢食质素无要求，系佢哋层次低”。

叫17元“炸蚝寿司”力数2大问题

有食客于12月22日（星期日）于连登讨论区以“今日喺寿司郎叫咗一碟寿司，先知道点解香港嘅饮食业咁失败”为相发帖，指当天他到寿司郎叫了1碟17元的“炸蚝寿司”，讵料大失所望，“睇相好似唔错就叫碟嚟试下，点知嚟到咁嘅死款”。

自称“未食已经食欲不振”

楼主上载餐牌上“炸蚝寿司”照片，与“现实”的“炸蚝寿司”比较，批评货不对办，“最右面系佢嘅理想制成品，你老X外表包装到几华丽都好，都掩盖唔到处理食物𠮶种马虎态度，如果寿司郎嘅店长同店员见到呢个post，唔该检点下啦”。

楼主又列出这碟寿司2项“罪状”，包括“酱仲多个啲饭”、“摆到饭同蚝都分离晒”，直指“未食已经食欲不振”。

网民：好有明将feel　有人批西客

网民看过帖文议论纷纷，有网民感叹“碟寿司好有明将feel”、“呢碟炸蚝真系搞唔掂”。但亦有网民认为没有问题，“其实有咩问题？”、“少酱又X，多酱又X”、“食炸嘢唔多沙律酱不如唔好食啦小朋友”、“多酱咪自己笔开佢啰”、“间间舖啲相都同成品有距离架啦”、“正宗香港西客，食牒平价寿司要另上酱，畀个油镬同粉你自己炸埋好无”、“我认同香港饮食业系有唔少问题，但你呢个问题系突显香港西客太多”。

楼主回复时反驳，“我嚟寿司店系食寿司唔系食酱”，又强调“有碗话碗，有碟话碟啫。我自己荷包出钱消费，自然对嘢食有要求，有啲人对嘢食质素无要求，系佢哋层次低……就系有你呢种思维，香港饮食业先至咁失败”。惟有网民反呛“香港点解会差，咪你呢啲只执着小事，小小容人之量都无嘅人占大多数”。