订深色蛋糕庆生！食客事后公审斥黑店：啲色好难洗甩　网民批西客

再有蛋糕出现“甩色”事件！有网民于某连锁饼店订购1个较为深色蛋糕，不过他就上传多张照片，斥涉事店舖是“黑店”，事关他和同行者吃过蛋糕后，有人嘴唇被染上墨绿色，像是发紫般；另有人手掌掌心亦被染上颜色。他不满蛋糕“甩色”问题严重，故于网上公审，“（好似）中毒一样”。

许多网民看过帖文都反斥楼主西客，“有其他颜色唔拣，系都要拣黑色”、“标奇立异嘅后果”、“外围都系黑色，一眼就望到，如果介意呢个颜色当初就唔好买啦”。亦有人指出深色蛋糕必定需要大量色素，无论成人或小童都应避免食用，“Cream系白色，要令佢变黑几乎要落晒成支色素”、“不嬲呢啲蛋糕都系好睇唔好食，攞嚟影相就算”。

订购深色蛋糕出现“甩色”情况　食客斥黑店

该食客于11月25日在facebook群组“饮食黑店大全(全港食店质素/价钱/服务关注组)”发帖，称“黑店黑蛋糕，大家买蛋糕小心选择，啲颜色好难洗甩”。从事主上传多张照片所示，他于某连锁饼店订购了1个较为深色的蛋糕，当他切下蛋糕时，明显可见蛋糕奶油呈极深色的墨绿色。

嘴唇、手心均被染色　事主：似中毒

事主上传的另外2张照片显示，当中有人吃过蛋糕后，嘴唇被染上奶油的墨绿色，像是发紫般，另有人不慎触碰奶油后，手掌亦被染上颜色，楼主对蛋糕出现“甩色”情况感到不满，故于留言区怒斥“（好似）中毒一样”。

网民斥西客：介意呢个颜色当初就唔好买

帖文一出，绝大部份网民认为楼主早知蛋糕是深色，事后却公审店方，故斥他“西客”，“自作孽”、“未见过有人买黑色蛋糕咁癫”、“标奇立异嘅后果”、“有其他颜色唔拣，系都要拣黑色”、“又无人用支枪指住你个头要你订个黑色蛋糕，订咗返嚟又话人哋个蛋糕颜色咁黑”、“人哋整得唔够黑又话人黑店，符合你心意又俾人话黑店，香港人真系难服侍”、“外围都系黑色，一眼就望到，如果介意呢个颜色当初就唔好买啦”、“下次买净海绵蛋糕咪无事啰”。

有留言则揶揄楼主，“关键系佢订一个黑色蛋糕，咁佢期望啲黑色cream系天然颜色？”、“你唔系以为人哋买芝麻磨畀你呀？”、“等如食完墨汁意粉，投诉黑店意粉黑心”、“食完红火龙果屙啲X出嚟红色，唔通又要爆个农夫咩”、“可以提供染黑发，但唔会染到手嘅染发剂吗？”、“就算食红莓，蓝莓，食完望条脷都有色㗎啦”。

深色蛋糕需使用大量色素　网民吁避免食用

另有网民指深色蛋糕必定需要使用大量色素，应避免选购食用，“不嬲呢啲蛋糕都系好睇唔好食，攞嚟影相就算”、“愈深同愈鲜艳嘅颜色，往往用嘅色素都系最多”、“知唔知整一个黑色蛋糕要落几多色素先够黑？”、“Cream系白色，要令佢变黑，几乎要落晒成支色素”、“所以尽量避免食，小朋友更加系”、“竹炭粉都做唔到黑色嘅效果”、“用天然黑色的话，墨鱼墨汁好腥、竹炭就苦到仆X，买黑色蛋糕就系咁㗎啦”。

（facebook群组）