福建炒饭？肉燥配烚虾仁粟米　快餐店出品震惊全网　食客咁做惹议

这真的是福建炒饭？日前有食客光顾某连锁快餐店，点叫福建炒饭套餐，但取餐后却大感傻眼，事关饭面只淋上疑似肉燥和芡汁，另外再加以虾仁和粟米，虾仁甚至呈白烚状态，未有与芡汁混合，与大众认知的福建炒饭颇有出入，故贴图公审“唔怪得晚上8时无人…等执”。不少网民都觉得离谱，斥“菜粒都无”、“虾仁捞都费事，就咁掟上去”、“返屋企煮公仔面食无咁嬲呀”。而食客最终把茶倒入饭中泄愤，有留言批评相关行为“折堕”，直指“几难食都唔系咁浪费食物啦”，而相关贴文其后已被删除。

该食客在facebook群组“香港茶餐厅及美食关注组”上传照片，指日前到某连锁快餐店光顾，并点叫福建炒饭套餐，但取餐后却极为不满，称“白饭加烚虾加啲浆，唔怪得晚上8时无人…等执”。

如照片所示，楼主点叫的福建炒饭，白饭状似没有炒过，而表面则淋上疑似肉燥和芡汁，另外再加上虾仁和粟米，不过白烚虾仁甚至未曾与芡汁“沟匀”，色水外观俱差，与大众认知有菇、菜心粒、瑶柱丝、鸡肉粒、虾仁及芡汁，配以蛋炒饭底的福建炒饭颇有出入，楼主用餐后不禁“泄愤”，将套餐附有热柠茶倒入饭中。

许多网民都直斥上图福建炒饭“离谱”，“菜粒都无”、“似捞饭多啲”、“下午茶净嘅肉燥？”、“虾仁捞都费事，就咁掟上去”、“见到都唔想食”、“返屋企煮公仔面食无咁嬲呀”、“所有连锁快餐店炒饭一向都无咩镬气”、“食福建（炒饭）紧系去餐厅食啦”，又笑称“其实系佢改错名啫！下次改返虾仁肉粒，粟米饭，咪好哋哋啰”。

不过亦有留言批评楼主行为“折堕”，“唔好玩食物”、“几难食都唔系咁浪费食物啦，唔啱食咪拎走，睇吓屋企人食唔食，又或者拎返屋企炒2只蛋加𩠌食埋佢”、“何必倒杯嘢落去？净系为咗影张相？好多老人家一餐都系（食）七粒过期烧卖加白饭咋”，又质疑楼主为何不即时向餐厅反映，“点解你唔同个经理讲”、“CLS，咁你都唔退货？问题在你方”。

（FB“香港茶餐厅及美食关注组”）