西多纸？连锁快餐店西多士厚不足1cm图疯传　网民嘲：系咪腐皮？

继上星期“薄切吉列猪扒”引来网民关注，今星期就有“薄切西多士”！日前网上疯传1张图片，显示有食客到大型连锁快餐店用餐，并点了鸡髀配西多士套餐，不过西多士薄如纸张，厚度不足1厘米，故不禁揶揄“皮薄馅靓”，再度惹来网民热议。有人直斥餐厅“肉酸”，“不如收贵啲，畀个厚西多人啦”、“做出啲咁高质嘅品质，好难要帮衬你”，又调侃“西多纸”、“用心良苦，突显只鸡髀嘅厚”。

该食客于周日（14日）在facebook群组“香港茶餐厅及美食关注组”分享相片，显示其光顾某大型连锁快餐店，并点了1个鸡髀配西多士的套餐，不过上碟的西多士却令人大开眼界，事关其厚度竟然薄如纸张，楼主不禁拿出拉尺量度，证明西多士的厚度不足1厘米，和平日所见的西多士甚有出入，故揶揄“皮薄馅靓，大推”。

帖文引来网民关注，批评餐厅经营手法“肉酸”，“我觉得你应该叫换”、“睇右下角都见到，面包原本系普通方包一片咁厚，唔压都唔厚得去边”、“越（庹）缩越少人帮衬”、“出餐𠮶个见到块西多士咁薄，正常都要叫入面整过啦”、“呢啲面包悭得佢几多钱，索油都系索多些少”、“不如收贵啲，畀个厚西多人啦”、“做出啲咁高质嘅品质，好难要帮衬你”，又嘲讽称“西多纸”，“摆明系食手势”、“面包都可以切到咁薄，有诚意”、“用心良苦，突显只鸡髀嘅厚”、“其实系咪腐皮嚟”、“你唔讲我以为咖哩角”、“馅靓？有咩馅？”

亦有人觉得楼主遭遇是单一事件，“我早几日先食咗，正常西多厚度，你𠮶块咁薄真系唔好彩”、“其实好难，面包会发胀㗎嘛”、“真系分店问题，我喺屋企𠮶区成日都会食，但有次去荔枝角食，全部嘢都好唔新鲜，啲菜系黄色仲成条都系渣”。有留言更质疑事件真伪，“自己按扁再影相？”、“有备而来”、“师兄你又会随时有把拉尺咁型嘅”，楼主及后亲自回复，“捞地盘呀”。

（FB“香港茶餐厅及美食关注组”）