【照片时空．下】摄影真实亦虚幻 冯汉纪：我不为了纪实而拍
冯汉纪的照片，带观众回到改革开放时期的中国、展现后毛泽东时代的社会现象，忽尔之间，却又领着大家穿梭于现实与虚构之间的狭缝。冯汉纪从不拘泥于摄影表面的形式和载体，他只是一直随心地纪录和试验：“好多个可能性，仲有好多个方式，好多方法嚟到影相。”
摄影：冯汉纪（受访者提供）
撰文：苏炜然
访问上集：【照片时空．上】随冯汉纪搭上时光机 回到60年代沙龙起飞时
情意结驱使下纪录中国改革开放
1978年，邓小平推动中国改革开放，一连串的新政策使全世界都聚焦在中国的未来发展上面。身处香港的冯汉纪亦都一样，“第一次返大陆系去深圳特区，系完全冇你行动嘅自由。第一，要有介绍信，第二，要跟住一个团体咁去。去到要跟住党委书记睇深圳水坝水库，讲袓国啲建设几伟大诸如此类。直到80年我先有第一批正式影中国嘅相。”
当沙龙摄影师忙于发掘大陆的风光景点时，冯汉纪却在街道小巷之间，纪录人的生活。“我唔系特别话要用纪实眼光，或者叙事方式嚟影。我只系对我自己嘅感觉作出反应，当对于我嘅经历、睇法有一个对应嘅时后，就去揿掣。”
由动荡到开放，改革初期，大部分人对未来并没有十足的信心，“心情都几复杂架，”冯汉纪忆起当年港人携带物资予大陆亲戚的景像：“唔系带化妆品，而系一罂罂嘅生油；身上著够4条裤，4条都俾晒亲戚呀！”他续道：“改革开放到底系咩一回事呢？啲人系点样嘅呢？我系怀住呢个心情去睇。”
展览作品图辑：【摄影展览】《时／空：暂如照片》冯汉纪80载摄影人生
毋需夹硬转黑白
在提出改革开放同时，邓小平亦评击了个人崇拜，在文化大革命期间铺天盖地的毛泽东画像、雕塑逐一拆了下来，《毛语录》亦从大厅台面收到了抽屉之中。在这样的一个氛围之下，冯汉纪一次到访南京，却偶然见到一座仍然保存的毛主席纪念馆，深感意外。不过到他特别去留意、拍摄，却是2000年以后的事。“系一个社会现象嚟。发展城市你好少见到呢啲嘢（毛泽东宣传品），反而系遍远地方仲有保存。我纯粹想指出有一个咁嘅现象，然后等睇嘅人自己谂发生咩事。”
“彩色相个特点就系现场感重”，这些毛泽东宣传品的照片与“中国，我的中国”其他的相片不同，画面都是彩色的。“其实都冇特别意图，不过我觉得冇需要夹硬将佢转为黑白，又唔系懒艺术咁样。”冯汉纪续道：“有啲人未经历过果段时期（黑白菲林年代），一开始就已经系数码，咁数码一开始就梗系彩色；后来发现有啲嘢叫黑白㖞，咪觉得好新奇。其实对于我地嚟讲，呢样嘢已经过去咗好耐啦！”这也是冯汉纪在前文说，当今的摄影教育也应该要包含传统摄影的部分的原因之一。
五万买Mac机 没有相机也可以是摄影
重视旧有的一套，冯汉纪同时亦都积极尝试新的技术。数码年代初，冯汉纪已买了一部Apple II电脑，后来转了PC，叫“286”，因为电脑采用了intel 80286的处理器。“90年代买咗部Macintosh，叫做“FX”（Macintosh IIfx），我好记得架，点解呢？因为好贵呀。佢俾Poly（员工）有一个特价，都要五皮几呀！”号称是当年最快的Macintosh，规格想必惊人，“16MB RAM，MB㖞，加3000蚊就可以Upgrade到32MB。我九几年开始做Composite，又用Illustrator又用Photoshop。去到尾一定系临收工先揿Rendering，咁就走啦，第二朝返到嚟，咦！佢Hang鬼咗嘅！”
展览中一辑“蝴蝶梦”作品，就是那个时期酝酿出来的概念，相片没有任何一点是用相机拍出来，没有一处是现实的反映，完全是用电脑软件Bryce造出来的3D虚拟环境。“我觉得仍然系摄影嚟架。因为我造到一个天地、一个世界出嚟，然后我用一个虚拟摄影机……个Software里面Built-in咗一个虚拟摄影机，你可以Specify唔同焦距、唔同角度、唔同位置去Capture个画面出嚟，咁基本上完全系一个摄影嘅程序嚟，只不过我可以随意控制相机、控制个天光抑或黑，有冇云有冇星等等。”冯汉纪又以插画绘图作为例子：“系咪一定要手画先系illustration、一定要手绘先系Painting呢？用电脑做又算唔算呢？如果你咁样切入去，你就会知道答案。”
玩的过程会生出创意
另外一辑试验味较重的作品是“修饰宝丽来”，冯汉纪在宝丽来相纸刚刚拍下来，还在显影期间，或挤压相片使影像变形，或用硬物去刮，改变化学剂生成颜色的过程。“我记得果日梁家泰坐系对面，我就影佢，佢又影我咁玩啦。佢影咗我，揸住张相收埋系台底……‘嘻嘻嘻！嘻嘻嘻！’阴阴嘴系到笑，原来佢将我块面捏到变晒形。”冯汉纪觉得相当有趣，于是尝试更多不同的宝丽来创作，“我用过SX70、600系列、Spectra，三只相纸嘅药膜都可以咁玩。当画面仲系灰灰地嘅时候就要做果个功夫，就算佢未显示到出嚟，我心目中都有个画面，跟住去加一啲嘢，或者将个背景取消一啲嘢。”
黄启裕谦逊为老师策展
《时／空：暂如照片》将展出200张冯汉纪作品，由黄启裕策展。“果次饭局，老师突然打开咗部电脑，话有400张相，想我帮佢减到200以下。初头都唔敢应承，直至一路扫，扫到深圳果辑，有几张我好钟意”黄启裕说。以前在理工读摄影，黄启裕怀着谦逊地帮老师策展。
“好狠！Hunter嚟架！”黄启裕对冯汉纪捕捉瞬间画面的功力十分佩服，尤其是早期拍摄中国的相片大部分他以前未曾见过，在拣相的时候，感受到相片后面的力量：“‘拍’一声就走。唔系因为悭菲林，而系感觉到就系果一下，影够啦。佢地用菲林Train过，用个脑筛选之后先揿掣（快门），就算张相未晒过出嚟，佢个心仲会记得个影像；同依家数码不停揿先有个档案系唔同。果刻个人嘅Spiritual（精神状态）、Concentration（集中力）好够先可以做到咁Pinpoint（准确纪录）。”
邀十艺术家回应 冯汉纪摄影脚步不会停
原来黄启裕在梳理照片时，也想过用“时、地、人”去串连不同年代，拍摄相似主题的相片，但最终都是认为保持4个主要分类，对于观众阅读相片时候是最好。展览最初是想回到理工大学举行，不过预算过各样布展的工程成本，毕竟太贵；辗转之下，最终决定在艺术中心举行。包氏画廊楼高两层空间充足，举术艺中心相讨过之后，又将展览规模加大，邀请了十位艺术家回应冯汉纪的作品。“有啲系佢嘅学生嚟，有啲系佢个辈份嘅，老、中、青三样都有。咁最主要除咗佢地嘅作品相之外，我地有9段Video Interview，同冯老师对答。惟独顾铮嚟唔到香港（拍片），所以我将佢嘅电邮回应（列）印出嚟，放系现场俾大家攞。”
“老师佢愈影愈有架，除咗最初果400张之外，最尾果部分（“重归故里”之中的“香港奏呜曲 ”）有啲系新相嚟，佢一路继续影，愈战愈勇。不过6月之后我已经好难再加落去展览，我地做嘢要早三、四个月Ready好啲嘢。我期望佢三年之后会有一个Solo展览，就系“香港奏呜曲 ”嘅延续”黄启裕笑道：“依家好似我俾功课佢做咁！调返转！”
访问上集：【照片时空．上】随冯汉纪搭上时光机 回到60年代沙龙起飞时
《时／空：暂如照片》摄影展览
日期：4/12/2018 - 19/12/2018
时间：10:00am - 8:00pm
地点：香港艺术中心包氏画廊
讲座 - 香港与中国内地当代摄影对话
日期：4/12/2018
时间：7:00pm - 8:30pm
地点：香港艺术中心包氏画廊
讲座 - 冯汉纪与当代摄影对话
日期：16/12/2018
时间：3:00pm - 4:30pm
地点：香港艺术中心包氏画廊