食火锅无文化？台湾、香港打边炉食法大不同　尽显两地文化差异

读万卷书不如行万里路，唔同地方都有佢地唔同嘅文化，今日大家就一齐体验一下！

最近天气咁冻最适合打边炉，但原来香港人同台湾人食法好唔同，今日就等我讲下有咩开心大发现啦！

香港人“打边炉”习惯：

1. 首先讲下香港打边炉通常都会约埋三五成群一齐去，咁就可以叫多啲唔同嘅食物。

2. 去到火锅店一坐低叫左汤底先然后再慢慢点菜，通常都系叫多多肉，例如: 肥牛、 羊肉、 猪肉、 肉丸......又或者多多海鲜，例如：脆肉鲩鱼、 蚬、 蟹、 虾......，菜、菇类通常都叫得比较少量。

3. 系屋企或外面一边烚下烚下，一边吹水、讲笑，慢慢品尝。

4. 最后通常都会剩低大量食物，大家尽兴而归。啲食材就留返第二日煮面食。

台湾人吃“火锅”习惯：1. 比较流行1人1锅，菜单通常系一款肉然后加菜盘，又或者已经煮好一锅送到你面前。

2. 台湾人食火锅好似家常便饭咁，连Lunch也会食火锅，但系香港Lunch如果同朋友讲“食火锅”就会觉得好奇怪。

3. 大多数小火锅都会配上白饭、饮品和雪糕任饮任食，价钱又平，大约每位台币$120-350上下。

4. 通常1-2人都可以食，食完就走，唔会倾倾计、谈谈心。

5. 香港通常打边炉唔会食饭，但台湾人习惯一定会配饭食，真系好唔同！

6. 佢地唔一定会系间野度食，外卖边炉都好常见。

7. 打完边炉之后亦会连汤底打包拎走，呢点系香港完全唔可能发生。真系谂都无谂过汤底都可以打包！

1人1锅的份量通常都可以食晒但劲饱，我亦试过去一间散叫嘅火锅店，嗌左好几样𩠌之后店员同我讲：“你们4位食物应该够了，先就这样好吗？”，但其实当时我只系点了3样......我想换成香港就不一样了 “3个𩠌你们够唔够呀？”。

总括来说香港人打边炉算是一个聚餐，而对台湾人黎说一个人或一大班朋友都可以食火锅。你地又有无试过Lunch打边炉呢？

【本文获“乐活台湾网”授权转载。】