陈敏之苦等多时终梦见亡母泣不成声 ：捉实我个膊头叫我要慢慢嚟
撰文： 吴子生
出版：更新：
陈敏之早前发文表示母亲不敌急性血癌离世，情绪大受打击，心情悲痛欲绝。敏之又透露自己连日失眠，盼望妈咪可以到梦中相见。
今日（2/2）陈敏之现身深水埗出席邵氏超级网剧《执法者们》开镜拜神，接受《香港01》访问时哽咽说：“当妈咪走咗之后，我一直都好想梦见佢。喺佢头一日走咗嘅时候，我系梦到佢，但个影像好唔清楚，但感觉到佢系开心，唔系伤心同痛苦𠮶啲。跟住几日都再梦见唔到佢，自己就会喺度谂‘妈咪你系咪唔挂住我’，而我当时系好期待下次会再见面，系期待到好心急。”
敏之续说：“跟住到前一晚，我再次梦到佢，见到佢系着住离世嘅衫，妈咪佢系笑住开启双手，而我个仔就冲埋去揽住婆婆，然后讲我爱你，我系癫咗，系令我释怀。喺梦度妈咪行埋嚟我身边捉实我个膊头，然后就讲咗一句‘你要记住我讲，你要慢慢嚟’。我知道佢想同我表达啲咩，因为佢知我做嘢系好心急，佢怕我挂住搞佢嘅身后事，唔食饭，唔理身体。而呢句慢慢嚟嘅说话，我都仲系度意味紧佢嘅意思，可能又有另一种意思，想话我知要慢慢去接受妈咪已经上咗天堂，我要慢慢去接受，所以我而家系同佢一齐努力紧。”