顾定轩爆素颜颓废Look攞衫　店员认唔出︰好彩冇吓亲佢

顾定轩（Zeno ）今日（31/1）现身荃湾，出席J2《我们家的料理》煞科。Zeno 受访时表示：“今次呢个节目好有趣，我哋会煮嘢食之余，当中仲会有剧情去推进，连系住十集。咁我喺节目入面系叫做阿志，饰演一位隐世厨神，讲我本身系有社交恐惧症。同现实嘅自己有啲相似，都钟意深闺，匿埋喺屋企。”

Zeno笑指个性比较随心，没有偶像包袱，连出街都会素颜示人，不怕旁人指指点点：“其实我出街系好随便，系好颓𠮶只。最好笑有一次我去借衫，成个样好颓废冇化妆，入到间店铺，有位职员见到我咁嘅样，认唔到我，问我有咩需要帮忙，我就话嚟借衫。跟住佢就望咗我一阵，然后先发觉系我，仲解释话平时见我都唔系咁。搞到我都觉得几好笑，自己都明白平时出骚都系着靓衫同有造型，佢唔认得我都系正常嘅事，好彩冇吓亲佢。”