金像奖最佳男配角冯晧扬　上一日无线训练班即退学︰冇话畀唔畀面

冯晧扬（扬扬）凭电影《妈妈的神奇小子》夺得“第40届香港电影金像奖最佳男配角”。据悉他在得奖前已报读了当年无线的TVB艺员训练班，不过有指他只上了一日课已退学。有网民认为决定正确，无谓入读艺训班自贬身价。

扬扬今日（31/1）现身荃湾出席J2《我们家的料理》煞科，接受《香港01》访问时表示：“其实点解𠮶阵时会有呢个决定唔上训练班，因为之前一早安排咗拍一个品牌广告，变咗第二日就要同无线请假。但其实佢哋嘅规定系唔可以请假，同埋又唔可以话中途去拍戏。变咗同佢哋沟通完之后，就话我讲唔使再去训练班。（佢哋直接提出？）其实𠮶阵时都系靠我妈咪去沟通，都唔好话射个波过去喇，因为自己当时又未成年，咁所以妈咪系主要去沟通，而我得到嘅资讯就系咁多。”

问到会否是无线觉得他有工作要拍，未能度期出来有唔俾面嘅感觉，于是直接叫他不要读？“我就唔清楚𠮶边嘅谂法，自己就冇话畀唔畀面。其实自己当时攞完奖之后，都会谂自己系唔系有啲天分呢？（网民都认同你有天分！）感恩嘅，唯有得闲揾啲鸡汤，有天分都唔系最重要，努力嘅人系可以超越你，都要经常警惕自己。”