马国明回应与林保怡合拍《刑侦12》 ：有听过佳哥讲会开呢套剧

近日有传离巢无线13年的林保怡，有机会重返无线拍新剧《刑侦12》。有指今次回巢，是由现时主力为无线重头剧出任总监制，即《新闻女王》的监制钟澍佳一手促成。据知《刑侦12》由电影《正义回廊》编剧谭广源出任编审，演员阵容当中除了林保怡之外，主角有马国明同陈炜。

今日（9/1）马国明现身赤𫚭角机场出席剧集《飞常日志》宣传活动，就上述传闻接受《香港01》访问，他时表示：“我都系睇到新闻先知话我有份，其实公司到而家都冇讲过话我有份嘅，变咗我都唔知点解会有呢个传闻走咗出嚟。不过我就有听过话会开呢套剧，之前拍紧《新闻女王》嘅时候，已经听佳哥（钟澍佳）话会开拍，同埋听佢讲过话想揾林保怡做。只系听过佢讲咁多啫，冇听过佢话会揾埋我。所以而家啲新闻出咗之后，我都唔知系真定系假，因为佳哥到而家都冇揾过我。（会唔会主动问吓佢系唔系？）唔谂住问，如果佢真系揾我嘅，就会揾我，因为我好少会自荐。如果自荐我会觉得好尴尬成件事，因为我觉得𠮶个监制想揾你，就自然会揾你，所以我唔会问。”