43岁性感人妻预告全面复出拍剧：阿囡而家开始大

张美妮昨日（8/1）现身西贡出席无线新剧《恋上西沙》开镜拜神仪式。张美妮透露对上一次拍剧已经是两年前，对于今次能再次拍剧感到万分兴奋：“其实今次可以话系逐步复出，因为阿囡而家都开始大，而佢下年都开始读小学，仲要系返全日，咁变咗我咪好寂寞。咁所以而家如果有啲适合嘅工作，我都会慢慢开始去做。（老公俾唔俾？）我谂佢会畀嘅，我谂佢怕我到时黐住佢，佢咪仲觉得麻烦，咁同埋佢都钟意自己嘅老婆多啲出去做嘢，做返一啲自己钟意嘅工作，成日都有人讲，个太太开心全家人都开心。”

对于在剧中饰演炎明熹的母亲，张美妮表示：“其实当我一听到要做佢嘅妈咪，我觉得好得意，因为过往拍剧我都未试有一个咁大个女。但屈指一算，如果自己早啲生，都会生得出嘅。而我接到呢个角色之后，令我可以幻想将会我个女好似炎明熹少女嘅时候，同佢相处会喺点呢？变咗令到我好想透过呢套嘅剧集角色，去感受吓呢种感觉，可令我预演一下，都几过瘾㗎。”