利颖怡揭离开《东张》真相 哽咽自责愧对家人：自己情绪好唔稳定
撰文： 吴子生
出版：更新：
利颖怡今日（9/1）现身机场出席剧集《飞常日志》宣传活动。提到有指她疑因受袭案官司缠身宣布离开《东张》，及有眼利网民发现她在新剧出镜3分钟忧心被雪藏，留言表示十分担心她的去向。
利颖怡就事件接受《香港01》访问时表示：“其实𠮶件事发生咗之后，观众同网民有好多唔同嘅声音，确实𠮶一刻我系承受好大压力，而𠮶阵时因为压力嘅原因，令到我有‘鬼剃头’，就系因为咁，我就决定做返自己一直想做演员呢条路，但同时我系好钟意《东张》呢个大家庭，要我选择离开，我系好唔舍得。”
被问到重回演员路老公有何看法？利颖怡一度哽咽说：“其实佢好担心我，自己都𠄘受好大压力，因为佢见到我‘鬼剃头’，又见到我要𠄘受唔同嘅声音而唔开心，佢见到我咁，佢都好唔开心为我喊过。我见到咁就反问自己，点解我件事要令到佢唔开心呢？咁所以我就决定行返演员呢条路，唔想家人再担心我。本身我屋企人唔系好想我离开《东张》跳出嚟，但见我咁大压力，就去支持我，由我得我自己选择。直至单官司已经完咗，我个心已经释怀咗，人都变得开朗番。因为之前试过拍一啲苦情嘅角色，我个情绪系好唔稳定，发觉自己系好唔妥。好感恩事件发生咗之后，公司一直都好支持我，当我离开咗《东张》之后，都有剧集揾我拍。”