钟培生拳赛｜周永恒难顶龙心经常心不在焉问非所答：长期咁我好攰

周永恒今日（2/10）以拳手身份现身大埔亚视总台出席由钟培生筹办的拳赛记者会。对于另一重头戏码赛事，由刘马车与龙心对决，娱乐性丰富十足。周永恒受访时表示：“我嚟之前劲兴奋，好似睇明星咁，龙心真系好似谢霆锋咁，相比我见到刘德华都冇咁兴奋。龙心话要我帮佢写歌，佢仲同我交换咗电话。（佢经常话自己去咗宇宙，你跟唔跟得贴？）喺呢个宇宙嘅话，我同佢都沟通到。不过有时佢又会去咗第6个宇宙𠮶边，但佢系唔会话你知佢系边个，但你要透过佢嘅眼神知道，要捉返佢返嚟啰。（咁样相处会唔会好攰？）得闲见吓就冇嘢，但长期嘅话就会好攰啲。”

周永恒续说：“相反我睇刘马车就比较正常，其实我觉得佢一直系扮傻，令到我都怀疑自己，因为佢EQ高，话癫就癫，话冇嘢就冇嘢。相反我就唔系，我系一嚟就控制唔到自己，令到个个人都担心我。其实我应该系有病𠮶个嚟，咁所以我而家返去睇医生先，白卡组一定唔系佢哋，而系我。”