姚焯菲打算回港升读大学　唔抗拒参加迎新营︰去认识大家

姚焯菲（Chantel） 今晚（29/9）现身将军澳出席签名会。提到升学计划，Chantel表示打算中学毕业后回港升读大学：“其实我系会报读香港嘅大学，但同时我都会报读唔同地方嘅大学，例如有英国、美国同加拿大，又或者澳大利亚。（你爸爸想你去边度升学？）佢无所谓，佢由得我拣。”

问到Chantel心愿去到哪个地方升学？“我就觉得都冇乜所谓，因为我都系等个天帮我安排，睇吓到时边间会收我，但呢样嘢都令我好头痕。（有冇听过香港大学有迎新营Ocamp？）我系有听过。（会唔会觉得佢哋玩得好过火？）我唔知道，因为我冇睇过。（抗唔抗拒迎新营？）咁我又唔会抗拒嘅，因为我系知道要去认识大家。（玩得好色情你惊唔惊？）我冇听过，如果系咁到时先算。不过我都唔知我会唔会返嚟香港。”