钟培生拳赛｜刘马车不愤被人标签癫狂：其实我系清醒黐线佬

刘马车今日（2/10）以拳手身份现身大埔出席由钟培生筹办的拳赛记者会。对于赛事被安排与龙心在擂台上对决，刘马车受访时表示：“其实佢哋揾我打嘅时候，我系唔知会同龙心打㗎，都系最近先知道。不过无论点都好，佢同我都系香港网络界嘅红人，因为成日被人话我哋系癫狂，而我同佢都系好早已经拍片吸引去注意，变咗我就觉得香港系需要我哋呢啲表演又或者系行为艺术家嘅人。”

刘马车续说：“其实我系好明白，我哋以前有好多出位言行，令到好多人对我哋有标签，话我哋系黐线佬。（咁你自己觉唔觉得系黐线佬？）其实我系一个好清醒嘅黐线佬。如果我系一个黐线佬，我又点样可以证明自己系黐线定系唔系黐呢，不如大家就用另一个角度去睇，就当一个喜剧嘅效果啰。”