【有片】高海宁陪男友睇波仲识嗌“越位”　世界级女友唔使靠撒娇

高海宁最近在《不懂撒娇的女人》饰演善解人意，处事圆滑的田蜜，她大爆今晚剧情，将会挑逗已经情倾宣萱的林文龙。至于现实中，高Ling是一个世界级女友。根据过去经验，高Ling总结了三招冧仔大法，而且女士们应该会相当受用。高Ling笑言：“男仔朋友听完都觉得咁样好加分，善解人意真系好重要！”到底边三招，不如睇下！

第一招：识煮几味

高Ling话识煮嘢食可以俘虏男仔心：“有一句说话叫做：‘要箍住佢个心，最重要就要箍住佢个胃。’所以间唔中，唔需要做啲好复杂嘅菜，又或者系啲特别日子煮一餐饭畀佢食，亲自整啲蛋糕甜品咁样，我觉得男仔会好冧嘅。”

第二招：唔check对方手机

高Ling自言出于信任，所以不太喜欢睇男友的手机：“每个人都应该要有自己嘅个人空间，所以都唔会特登去问对方做紧啲咩，出街去边呀之类嘅问题，因为我都需要空间。就算如果佢话畀我任check都好，我都系冇呢啲习惯。其实我由第一次拍拖，咁耐以嚟我都冇check过手机，呢个系本身嘅做法嚟。”

第三招：善解人意

这四个字不难理解吧，就是适当的时候做适当的事，高Ling说：“例如佢同Boys玩紧、倾紧偈或者睇紧波，呢啲时间都系属于佢同朋友，我会完全畀佢喺出面enjoy自己嘅时间。我自己都会有girl's night，所以我觉得呢啲都系双方面嘅配合。”

这三点其实好简单，如果要实践的话会点呢？男友要外出睇波，高Ling反而就话：“其实我都钟意睇波㗎，如果佢出去睇，我都会举手问：‘可唔可以带埋我去呀？’因为我之前要做世界杯嘅主持，我都学识咗点样去睇波，所以我都可以投入埋呢一个球赛，甚至我比其他男仔更加钟意睇波。”

有好多女仔都会陪男友去睇波，但偏偏就会问一些令男友苦恼的问题，要数令男友汗颜的问题第一位，应该就系：“BB，咩系越位呀？”用时间解释，女方又唔知明唔明，好容易就会失去睇波的心情，为免扫兴，女仔们还是自行脑补啦！不过，爱上睇足球的高Ling就知道甚么是越位，真系世界级女友。高Ling话用口讲好难，所以用图片配合，大家去片睇下啦！

连咩系越位都知，对高Ling真系加爆分。问到高Ling最爱边一队球队？她说：“我最钟意西班牙队，虽然佢哋身型比较矮，但佢哋真系好有技术。（钟意边个球星？）钟意沙维，不过佢而家好似冇踢噜。”睇嚟高Ling唔系得个讲知，真系有留意，好charm呀！