【不懂撒娇的女人】王浩信氹老婆有计　太太陈自瑶：为我学煎牛扒

陈自瑶到太子出席母亲节活动，她提到囡囡一起床就已经讲定“母亲节快乐”，真系好鬼sweet。除了母亲节，见到陈自瑶就会想起老公王浩信。虽然Vincent今晚有工作在身，未能一同吃饭庆祝，但Yoyo提起对方的最新作品《不懂撒娇的女人》，就讲得津津乐道：“我一直都觉得佢演技唔错㗎！”都真系好撑老公。

除此之外，王浩信在《不》一剧里饰演Saving，自弹自唱、买巨型日本西瓜冧唐诗咏，Yoyo笑言：“我睇𠮶时都会代入角色，都会觉得佢做呢啲嘢好sweet，但系𠮶啲系剧情，现实中佢都会做啲类似嘅嘢，都好sweet。”结婚已经5年，Vincent又有冇做过啲sweet嘢让感情保温？Yoyo说：“都有㗎，佢知道我钟意识煮嘢食嘅男仔，就算佢煮嘢食唔系好叻，但系佢都久唔久亲自会煮下大餐，我都会好感动。”Yoyo表示目前最满意的就是Vincent煮的西餐：“佢煎牛扒都唔错㗎！”

结婚之后有了囡囡，大家工作各有各忙，还会做些甚么去维系？Yoyo：“我觉得最重要系有两个人嘅时间同空间，尤其是而家有咗小朋友，就更加需要有时间去拍下拖，我哋而家一直都有keep住有两人世界，出去食下饭，或者去下旅行。”大家相处多年，总会发现对方的不完美，Yoyo就讲了金句：“爱系要包容不同点，而唔系不停寻找相同点。”，她续道：“有时候唔一定要同对方好夹好似先系好，就算见到对方有咩唔同嘅地方，要学识去欣赏。（如果接受唔到咁点算？）咁总会有呢啲时候，但我觉得要欣赏对方嘅好，而唔会将唔好嘅地方无限放大。”就算两人结婚多年，陈自瑶自言还有很多东西要学：“成世人流流长，总会经历唔同阶段，但系遇到嘅时候好好去面对，学习点去处理，咁先最重要。所以而家都系磨合紧㗎。”