【不懂撒娇的女人】6呎袁文杰原来系猫奴　为猫哭崩：希望你原谅

近期因为《不懂撒娇的女人》饰演游生一角，兼有亚视Oppa之称的袁文杰，因为太型喇！所以近期人气急升，受到热烈嘅讨论。他除了生得高大威猛，热爱球队阿仙奴之外，还有一颗爱心，原来他当了猫奴已经六年，更一度是两猫之父。不过，当猫奴这些日子，袁文杰曾经历过丧猫之痛，就是1岁的异国短毛猫囡囡5年前离开了这个世界，袁文杰至今难以忘怀，仍有点自责。昨日他在微博发文悼念囡囡：“乖囡囡，走了6年，离开前很痛、很苦，Daddy已尽力，但自知做得不够好，希望您原谅，您好乖，一直都是！ ”

6年前，袁文杰朋友的猫刚巧生了几只小猫，向来爱猫的袁文杰，立即点头收养其中两只异国短毛猫咪。袁文杰自称做Daddy，每天努力照顾囝囝与囡囡，非常体贴。不幸地，囡囡一岁时，罹患了不治之症。袁文杰当时很徬徨，虽然囡囡患的是不治之症，但是他非常渴望有奇迹，每天都喂囡囡吃药：“呢啲嘢真系唔识，但我好想佢好返，见住佢咁得意，唔舍得佢走，曾经我仲同囡囡讲：‘只要你好返，daddy短几年命都肯。’只系想有奇迹发生喺佢身上，但眼见佢真系好辛苦，日日食药又好攰咁，我都曾经都有同佢讲过：‘不如帮你打针，等你舒舒服服咁走。’佢眼仔碌碌咁样望住我，之后我就冇咁做，因为我真系好唔舍得。”直到囡囡的生命进入末路，袁文杰忆述这段时间，他曾说过一些让自己不好意思，甚至后悔的说话：“𠮶日我就同囡囡讲：‘daddy真系好攰。’佢听到就眼定定望住我，之后我就瞓咗，过几个钟醒咗，就见到佢用尽所有力气行过嚟我身边，但最后晕低咗。到我送到去诊所，佢就过咗身，𠮶一晚系我成年之后，一个麻甩佬，系大庭广众喊到痴咗线......”囡囡的离开，袁文杰还是历历在目，让他更加爱惜囝囝，如今已经8岁。与女朋友Jacqueline感情稳定的他，不考虑生小朋友：“我同女朋友都好钟意囝囝，好好哋照顾佢。”

袁文杰极度支持“领养，不弃养”，提起有些不负责任的主人，养到中途就遗弃，袁文杰有点气愤：“真系好憎啲人养养下就唔理佢，求其揾条绳绑埋佢一边就算。如果想得到开心，咁睇场戏咪算啰，点解要养养下，过咗道气又唔要？见到呢啲人真系好想钟佢几下！”所以袁文杰有时都会在社交平台分享关注动物的消息：“我有朋友问我做咩要成日share，睇得多真系冇感觉，但我就觉得呢样嘢好重要，动物都系生命，点解我哋要唔尊重佢哋呢？虐待人摆明系有心，系容忍唔到。”