煮东煮西｜黄翠如陈自瑶连诗雅闺密首次合体做节目：搞到节目好嘈
撰文： 吴子生
出版：更新：
陈自瑶（Yoyo）、黄翠如及连诗雅（Shiga）闺密今日（20/6）以主持人身分现身西贡为无线烹饪节目《煮东煮西》开工。对于三位好姊妹首次合体主持烹饪节目，Shiga表现的非常雀跃说：“今次真系我哋3个第一次做节目感觉好新鲜，过往我哋3个只系上过游戏节目，加上我哋之前都有一段时间冇见过面，因为翠如早前去咗拍旅游节目，出走咗成2个几月，到佢而家一返嚟就同我哋一齐工作，咁所以我哋可以工作之余，又可以趁呢个机会好好咁大家倾吓偈感觉好开心，变咗我哋系会搞到个节目好嘈。”
翠如接着表示：“我哋难得3个聚埋一齐，梗系第一时间就谂去边度旅行啦，不过最紧要系拣啲地方系要有阳光与海滩嘅。”被问到会否在节目中互爆对方小秘密？Yoyo笑言：“监制冇要求我哋互爆大家嘅秘密㖞，因为我哋唔系行呢个路线，系行健康路线，不过我哋嘈就梗系会好嘈啦，变咗我好相信就系监制揾我哋3个嘅原因。”