煮东煮西｜支喾仪以助厨身份亮相 自爆曾暴肥：我系“宵夜女王”
撰文： 吴子生
出版：更新：
支喾仪（Venus）今日（20/6）以助厨身分现身西贡为无线（TVB）烹饪节目《煮东煮西》开工。对于参加完《中年好声音》后，即迎接首个节目拍摄工作，Venus接受《香港01》访问时笑言：“大家觉唔觉得我黑眼圈大咗，哈哈，好感恩无线畀机会我参与呢个节目。我除咗整蛋糕叻之外，其实煲汤我都有一手㗎，因为本身我都好钟意饮汤，所以对煲汤都有一定嘅心得，我会因应唔同嘅季节，去煲唔同嘅汤水畀屋企人饮。虽然平日都忙于处理烘焙店嘅业务，但无论有几忙都好，我都会吩咐姐姐帮我买定煲汤嘅材料，等我返去整，汤水对我嚟讲系好重要。”
Venus续说：“唔讲大家唔知，我未参加《中年好声音》之前我系好肥，因为我以前系‘宵夜女王’嚟，因为我好钟意整嘢食嘅原因，变咗每晚我都整宵夜，仲要系整到成台都系，有时候仲丰富过晚餐，但自从我决定参加歌唱比赛之后，我就戒咗食宵夜，你睇我而家几健康。”