袁澧林自认大头虾经常唔见行李：唔系新鲜事
撰文： 吴子生
出版：更新：
袁澧林（Angela）今日（19/6）现身尖沙咀出席行李箱品牌活动。讲到去旅行，Angela就自爆个性大头虾，经常遗失行李箱，导致行程受阻：“其实唔见行李对我嚟讲已经唔系咩新鲜事嚟，试过有一次去日本做嘢时候，因为挂住赶行程，加上个人实在太攰又冇瞓过觉，在冇为意下，我将随身行李留咗喺架飞机度，当我知道自己冇攞到个行李，我系好惊，因为个行李度有个名牌手袋，而个袋系𠮶间名牌店借俾我用，个刻心谂千祈唔好唔见。去到日本机场，联络咗相关航空公司，期间我不断祈祷，希望我会得揾得返。经过3个小时，我终于揾得返个行李，我当时嘅心情简直系如释重负。”