倪晨曦撑好友支喾仪烘焙店活动　自夸整蛋糕有一手：佢哋有赞冇弹

倪晨曦（Elva）今日（5/6）现身尖沙咀出席好友支喾仪（Venus)旗下烘焙店宣传活动。Elva受访时表示：“其实我认识Venus都有十几年嘅时间，之前识佢嘅时候，佢都未开烘焙店，佢都系帮紧屋企人打理生意，直到几年前佢就创办咗呢间嘅烘焙店。佢搞呢间烘焙店我系非常之支持，因为对于我呢啲唔识整蛋糕嘅人嚟讲，简直系恩物，我系可以随时上嚟学整蛋糕，佢呢度所有材料用具都一应俱全，你净系带个人嚟就得，非常方便。我之前系整得好难食，系喺呢度学过之后整出嚟真系好好食，我仲整咗啲蛋糕俾朋友食，佢都系有赞冇弹。”