吴雨霏疯传复出开演唱会　好姊妹邓丽欣认有倾过：佢心入面好想

邓丽欣（Stephy）与云浩影（Cloud）昨晚出席健身店开幕活动，近日疯传吴雨霏（Kary）比之前活跃，更有传她会复出开演唱会。Stephy表示睇到报道都有特地问对方，不讳言Kary都好想，但目前就有一个考虑。

邓丽欣（Stephy）、云浩影（Cloud）、林家栋、叶泓声等昨晚出席健身房分店开幕活动，原来Cloud是这间健身房的星级客人，她指自己入行后才做运动，上镜状态靓好多，亦解决了水肿问题。而Stephy几乎日日都做运动，就算不去健身房都会在家中拉筋。她指自己以前打开排球，习惯团体活动，除非在家里先会自己运动，而Cloud则喜欢有教练陪住，帮手纠正动作。

近年频频有人催吴雨霏（Kary）复出，而Kary日前都在IG写：“点解有一万个人问我系咪开演唱会😂大家系咪想睇先？😌😌😌”问Stephy到底Kary是否真的复出，她表示：“我最近有见过佢，我都因为听好多呢啲报道而问佢系咪真系出返嚟，以我所知就唔系，佢冇讲实，我谂有咁嘅机会，但系佢自己都仲谂紧时间O唔OK，始终佢有三个小朋友，啲时间都几难迁就，我谂佢自己心入面好想做呢件事，但可能都要睇吓自己能力系咪真系可以做到，同埋要时间OK。”

讲到近日工作，日前Stephy与周国贤（Endy）拍广告，Endy指她“手车好辣”，但Stephy却说：“佢好犀利，因为我哋系摄影棚度拍，佢都知我手车好辣。可能佢估嘅啫，佢知我揸比较Sporty嘅车，就估我好辣。”Stephy表示自己很享受揸车，去旅行都自驾游。

下半年Stephy将以拍戏为主，但亦期待与音乐有关的工作，问到会否出歌或开Show，她表示：“可以有啲新歌配合吓，但系唔敢讲实住，成日都惊应承咗大家之后会俾人追数，咁就唔系几好，希望年尾或者出年有惊喜畀大家。”至于Cloud都刚录完歌，希望今年内可以有小型演唱会。