邓丽欣冻龄靠自信　计划再踏乐坛：值得大家期待

刚刚到柬埔寨进行慈善探访的Stephy邓丽欣，回港后便马不停蹄为医美品牌MEDILASE拍摄代言广告。为营造出独特、自信的感觉，首日拍摄，Stephy与工作人员登上游艇出海，虽然当天风和日丽，但风势非常强劲，令游艇不断摇晃。“𠮶日真系好难忘，可能啱啱喺热带地方返香港，所以觉得特别冻，我条裙仲要好薄同露背，著咗好似冇著咁，好在工作人员有准备暖包同姜茶俾我。当日真系好大风，架船摇得好犀利，我冇晕船浪，但我化妆师就要食晕浪丸，哈哈！”

除了坐游艇出海，之后一行人要再驳小艇，到一个人烟稀少的石滩继续拍摄，更必须在水涨前完成所有镜头，即使Stephy整天被强风猛吹，但专业的她，面对镜头时仍能做出导演要求的写意、舒服效果。“其实工作人员都好辛苦，但睇番啲片，出嚟效果好靓，条裙好飘逸，所以一切都好值得，对我嚟讲亦都系一个好难忘嘅拍摄经验。”

到另一日回到室内拍摄，导演预备了一条晶莹剔透的玻璃棒，将不同的光源拆射在Stephy的脸上，带出“水原共生”的神奇护肤力量。“其实医美分好多种，唔一定系入侵性，佢哋有好多唔同嘅疗程，可以帮到唔同皮肤需要，自从接触到MEDILASE之后，我对呢方面嘅认识都多咗。”外在，有科技加持提升自信，但Stephy觉得，内在也同样重要，尤其刚踏入四十岁的她，冻龄外表更成为坊间热话。

“自己都成日问呢个问题（冻龄），究竟我做过啲咩呢？除了皮肤保养，改变心态同样重要，当你人生累积到一定经验、自信，令自己喺唔同嘅工作领域可以发挥到最好嘅状态，可能呢个就系我冻龄嘅秘诀。所以工作上，我唔会规限自己，希望可以不断进步，无论咩类型嘅工作都想尝试，尽自己努力去表现俾大家睇，希望观众可以期待我新嘅蜕变、新嘅突破。”

由歌手转型成为演员，Stephy口中的不断寻求突破，未知有否包括“重操故业”。自去年Stephy惊喜现身红馆担任张敬轩的个唱嘉宾，事后坦言令她重拾做歌手的感觉，问她复出计划进展如何？Stephy说：“因为时不时都有fans问我，究竟你几时唱番歌，俾番个交代佢哋，呢件事我一直有摆喺心里面，但我希望揾到一个好嘅timing，而呢个timing，我觉得愈嚟愈接近，系会实现嘅，只系我唔敢讲实几时，但呢件事，值得大家期待。”