全民造星5｜翻版阿Dee获两灯但不被睇好　9号Lyman演出超班

《全民造星5》今晚（24日）播出一集，终于轮到“翻版阿Dee”、任职律师嘅梁浩朗（Aaron）出场。做得律师，口才自然唔会差，不过喺面试时，佢得到嘅忠告系“比多啲真诚，收起小聪明”。而在节目上表演后，Aaron未有得到一灯，直到佢向三位评判解释之后，大家似乎享受听佢讲嘢多过听佢唱歌，最终获两灯，由于4位导师都不为所动，Aaron最终获安排入蓝组。而正版Dee哥（何启华）喺现场睇完Aaron嘅演出后，评语系“佢系有啲嘢睇、有啲才华，但以节目角度嚟讲，唔睇好佢行得远，因为唔系佢擅长嘅嘢。”

而同样系CV极为亮靓嘅仲有9号参赛者Lyman Heung（香胤宅），夏威夷州出生、香港长大、英国读大学，亦曾经系音乐剧《芝加哥Chicago》团员，虽然因为疫情关系工作受到影响，但亦因为咁令佢有机会返香港参加《造星5》。Lyman Heung演出超班令陈蕾完全享受其中，连评判区三盏蓝灯亮起都完全冇留意。

今集另一位获三盏蓝灯嘅系45号郑如川（Adam Sang），来自马来西亚嘅佢，其实一直有喺当地出歌，可惜星运平平。自弹自唱《Billie Jean》嘅Adam，单系前奏已经成功获得一蓝灯，足见功力有几犀利。而佢最后亦不负众望，以三灯入蓝组。