曾志伟宣布《中年好声音》将拍二季度 有意招揽海外参赛者
《中年好声音登峰之战》今晚在电视城举行，无线电视总经理（节目内容营运）在开骚前接受访问，宣布即将添食开拍二季度，并即晚开始接受报名，有机会招揽海外参赛者！
《中年好声音登峰之战》今晚在电视城举行，无线电视总经理（节目内容营运）在开骚前接受访问，讲到节目收视高企，他坦言吓亲冇谂过，形容是“小兵立大功”，他说：“当初话搞呢个节目，好多人都问得唔得，话个名《中年好声音》好老土，但系我觉得个名就系要浅白，因为嚟报名嘅就系一般嘅家庭观众。节目个初心好简单，就系想帮人圆梦，佢嚟唱首歌，表达到自己实力又好，完咗自己一个嗜好又好，就靠呢个节目做到。”讲到节目成功原因，他指因为一班参赛者都是有社会经验的人，唱的歌又广为观众熟悉，每首歌都有自己故事。
被问观众反应好，会否考虑添食，曾志伟说：“今晚我嘅任务返嚟唔系颁奖，就系返嚟宣布今日开始接受报名！（真定假？）做紧𠮶时，已经好多人问我哋几时做第二辑喇，你到时睇我点宣布啦。今次睇下会唔会再加啲海外嘅朋友，睇下香港嘅报名情况先，如果香港都太踊跃，塞唔到嘅，咁我哋再做多辑。以前因为疫情，有好多海外嘅朋友因为隔离返唔到嚟，依家有机会。”
讲到会否签约表现好的参赛者，志伟指仍未倾实，因为每人本身都有自己工作，未必会转行做全职艺人。他表示：“每一个人都未必可以做全职艺人，佢哋会唔会想放弃原本工作呢？亦唔知道将来能唔能够靠呢份工养活自己，又或者佢哋都有自己想做嘅第二啲嘢，呢个节目只系圆梦，唔表示你就要跳去另一个行业，所以亦都尊重返佢哋。”志伟坦言现时节目引发热潮，确实很多人致电来邀约参赛者唱歌、剪彩、参加活动，但当热潮过去未必能延续，志伟都有跟他们分享应对热潮退却的心态，要他们考虑。
中年好声音决赛赛果详情?
香港01为你提供完整决赛赛果名单，冠军遇人生低潮感谢太太不离不弃，虽然冠军指爆冷造马，但都指出未来望用能力令大家支持。
中年好声音6强当晚表现?
大热71岁吴大强当晚失准，更被指...详情请看。龙婷被伍仲衡评欠时代感，据知TVB将会与6位决赛歌手签约，李佳大有机会成为歌手，但都会继续教学生唱歌。颜志恒唱《拒绝再玩》 校长：少似David Bowie。