【心理追凶】绿叶王唔hea做依然有火　张汉斌：喺TVB冇火挨唔到!

“有时艺员就好似足球员咁，可能成日都要做后备，我可能系后备中嘅后备，领队唔会出你，但如果有得落场一定好努力，搏哂命，做后备嘅斗心一定比正选嘅强烈好多，因为佢要争取呢个咁难得嘅上阵机会….”以大后备球员作自比的是艺员张汉斌，在《心理追凶》饰演水爷，经常跟著敖嘉年查案，那个演得不温不火、恰到好处的老差骨，现实中的他，亦像剧中的老差骨，在无线工作24年，演过不少剧集，但相信大部份人认得他是做电视的，但未必说得出他的名字，就连维基百科亦没有他的资料。

不过在电视城，台前幕后都知道他是一位用心艺员，即使戏份少，他一定做足功课，就算演闲角，张汉斌都会为角色设计去丰富演绎、亦会尽演员责任记低自己戏服（行内称为mark衫），有看过《心理追凶》的，未必留意到他，但他亦尝试为角色注入生命，张汉斌接受《香港01》访问时说：“剧入面其他做CID系好有干劲嘅，但我系演老差骨，应该咩都睇到化晒，就算大案都好似觉得系常餐咁看待，再拍落去敖嘉年佢哋咁干劲，成队team就立体晒喇。”观众、演员、甚至监制都未必看到他的用心，但张汉斌没有因为没人留意而hea过，因为他自知是一名后备球员，无时无刻要装备自己，等待被派上阵的机会，但原来机会出现过一次…..

《金枝欲孽》小灵子一闪即逝

“我试过有一次落场机会，𠮶次系《金枝欲孽》，我饰演小灵子，同如妃（邓萃雯饰）都有唔少戏，我觉得都几有发挥㗎，不过之后又做返一啲普通角色，𠮶次我好唔开心咗好耐，𠮶阵可能后生啦，喺屋企会发脾气、试过掟野，我唔系嬲公司，我系嬲自己，一定系自己做得唔好，我可能太过自己做自己嘢，同人沟通得唔好，呢行人脉好紧要，但应该𠮶次做得唔太好啦，所以先至再冇机会…近呢10年好似停咗喺度咁….”

绿叶王依然有火唔hea做

《金枝欲孽》后，张汉斌一直等待下次机会来临，等待是一种煎熬，尤其知道机会好渺茫的时候，会好容易令人“滑牙”，积极都变消极，不过张汉斌到今日都没有变成老油条、old sea food，依然keep住道火，他说：“喺TVB冇火挨唔到㗎，派到有戏做嘅搏命做，冇戏做嘅，咪等啰，企喺主角后面，或者镜头都见唔到你，唔等于要hea做，我就一定唔会，万一真系有日叫你企前面咁点呀？你企喺后面都要做戏㗎，系呀，好多时都蒙咗睇唔到，但我都照做，当练习啰，反正你都要企喺度，唔好嘥咗佢啰，我其实等紧下一次机会㗎。”

张汉斌今年46岁，做戏多年不多人看到，但有一个人一直留意，就是他的太太，他说：“我哋拍咗拖10年之后结婚，佢从来都好支持我，每次都话做得几好呀，继续啦，希望在明天嘛，哈哈….10岁大仔都系，佢都开始对话剧有兴趣，难听说话？听过晒啦，𠵱家唔会理，可能𠮶啲人嘅口头襌啫。”

做士兵都要操fit　把握每个演出机会

虽然张汉斌有火，但下一个落场机会好像还未来临，他将会入新剧，角色亦是发挥不多，但他依然交足功课，他说：“𠮶PA（助理编导）话我听，嚟紧要做兵啰，戏唔多嘅，系主角隔篱，我都做㗎，我烂做㗎！因为屋企有3个呀，所以真系要勤力啲，有时派到冇戏做嘅，系，老实讲失望有少少，但都要做，嚟紧呢个，冇咩对白讲，但因为要做士兵啦，咁我都去跑下步、做下gym，想瘦啲同大只少少，PA话可能要除衫呀，咁一阵猪肉佬咁，观众会闹㗎，就算唔使除，你饰演士兵大只少少都好睇啲啦。”或者张汉斌会令人想起《喜剧之王》入面的尹天仇，对演戏好执著，但每一个追梦的人，就是要有张汉斌这种态度，即使你是大后备，连热身机会都没有，在等待的时候都要充满斗志，因为一日在球场，即是你还有机会。