【心理追凶】底薪9千几照畀家用　李君妍：只谂赚钱唔做艺员啦！

看《心理追凶Mind Hunter》见到马国明终于有个正经角色，敖嘉年挨到40岁终于做第二男主角，挨足多年做到成绩，观众都替他们高兴。主角要挨、要等，其实配角更加要，好似剧中经常跟住Win sir（敖嘉年饰）查案的女警李君妍，剧中戏份不多，每次都是交待一下案中死者身份，和主角有一两句对白，观众未必有留意，但李君妍挨了8年，由过镜路人、妓女A、食客等闲角角色…..到《心理追凶》先有这个比较多戏份的角色，一步步挨上去，她接受《香港01》访问时说：“我系24期艺训班，09年我17岁读完中五就考，我仲要妈咪陪我签合约㖭，呃住老豆签约，佢发现咗之后问我做咩入去做茄哩啡。”父亲无心快语，李君妍是不开心的，但幸得妈妈支持，先令她开始挨落去。

每月得6千几蚊驶

无线艺员人工有几多？众所周知，李君妍冇后台、冇家底，入去预了挨骡仔，她亦试过要揾兼职帮补，她说：“上年我去咗朋友间卖健身奶粉嘅铺头帮手，每日大约有3百几蚊左右啰，𠵱家我艺员𠮶份助底有9千几蚊，我又冇咩负担，（驶唔驶俾家用？）畀三千蚊啰，所以唯有希望爆骚先得，或者出面有啲活动赚多少少，如果只谂赚钱我唔做艺员啦，返是但一份工都可以，我唔想咁呆板呀，一定要返朝九晚五，做艺员自在啲，接触唔多嘅嘢，而且我好知足，食饭平平哋，食饱就得。同做演员好有满足感，每次做完我都好想有人睇到，好想得到观众嘅认同。”如果公司未有工作安排，李君妍亦会尽量找演出机会，2013年帮开片拍了《Come one James》点击超过40万。

除了认同，李君妍当艺员更克服了她的学前恐惧症，她说：“由细到大我去到陌生环境都会好惊，我第一份工系做侍应，我好紧张，试过做做下嘢，见到妈咪啲朋友行过，我惊到喊咗出嚟，我做咗一日就冇做，由小学升中学都系，头几日返学会惊到流眼泪，但做演员就冇，由面试到正式入行，我都唔知点解冇再紧张到。”或者连身体都告诉她，这才是妳应做的事，亦令李君妍明知在无线条路难行依然肯挨落去。敖嘉年推荐入剧但肯挨不代表路易行，李君妍今年25岁、挨8年先有配角演，但同剧的蔡思贝26岁已是6套剧第一女主角，李君妍：“大家差唔多年纪，真系会羡慕佢哋咁快有机会，但每个人条路都唔同，可能我条路要慢慢嚟呢，我希望自己嘅戏份，可以一步步加上去，其实而家已经好过之前好多喇，今次《心理追凶》有呢个角色，系因为敖嘉年介绍，因为之前跟佢同杨盼盼拍过套大陆嘅电视电影，佢觉得一team人应该有唔同角色，所以佢向监制介绍我，所以我好多谢佢。”后生女慢慢嚟啦，总有机会的。