【心理追凶】杀阿妈尸水沟牛杂　何远东演精神病者：见到牛杂都惊

无线剧《心理追凶Mind Hunter》，顾名思义，每个单元也会有凶案发生，由饰演心理学家的马国明，运用专业知识破案。近日案件围绕着牛杂面店发生，而面店老板娘马海伦神秘失踪，最后浮尸海面。剧中饰演他儿子阿文，正是肥仔何远东，平常惯演喜剧的他，今次角色相当沉重，皆因他的角色不但是杀人凶手，而对象更是他的母亲。

剧中何远东一个齐阴冬菇头，蠢钝呆滞，但煮牛杂时却有板有眼，不过他烹调的牛杂，却不是人人够胆食，剧情最新发展，是牛杂带有强烈臭味，而聪明的网民已经纷纷估计是何远东杀母后，再熬制成人肉牛杂，谂起都令人作呕。何远东接受《香港01》记者访问，他表示：“拍嘅时候我都谂会唔会杀咗阿妈，再斩碎咗做牛杂呢？其实编剧、监制真系有谂过，后尾觉得唔出得街，始终电视有尺度。(最后只讲到尸水流入牛杂内才发出臭味)对住煲牛杂其实好大镬㗎，会成身牛味，依家见到牛杂都惊。虽然只得5集戏，但拍嘅时候我好抑郁成日喊，抽离唔到角色。”

知悉网民大赞角色入型入格，何远东表示很开心，很多谢大家支持，“我本身系一个舞台剧演员，之前一路俾人话啲演技好浮夸，动作好大呀，唔信你做到呀，俾网民闹到七彩。接咗呢出剧之后，我俾咗个功课自己，要用眼神做多啲戏，试吓啲微表情，从而显露个角色特点。自己一路去谂，点样去丰富呢个角色，不停对镜去做表情同眼神，拍电视系咁，要试好多次去揾自己嘅可能性。(有冇参考乜嘢人嘅角色？)冇话参考边个人，咁多年都系咁，想创造一啲嘢出嚟，最考演员系一开始唔可以俾人觉得受重视，头几集导演特登唔俾大头我，拍到好唔起眼，等人估唔到系我，我自己都忍口唔穿桥，连屋企人都冇讲。”

田蕊妮《巨轮》细佬系舞台剧男主角　何远东入大台被嘲：你咁肥得唔得㗎？

一场在网台上的独脚戏，讲到何远东上了王君馨的节目，声泪俱下寻找失踪妈妈，讲述两母子多年来相依为命，真摰感人，甚为催泪，想不到他竟然是弑母真凶。何远东表示：“呢场戏我背熟晒对白，做咗好耐准备，一take过冇NG㗎。”何远东自言拍到有点人格分裂，皆因剧中患有精神病的他，根本不知道自己弑母，甚至忘记了这段惨痛记忆，“有时讲我清醒，有时又讲我唔记得杀咗阿妈，要俾到唔同嘅反应，所以自己都预先mark低晒，mark得好辛苦。有人赞都开心嘅，有人仲话我年尾叫糊添，其实都唔系签咗tvb，边会有奖攞呢？赢口碑啰。”

除此之外，剧中何远东会力追女神蔡思贝，又买花又送熊公仔，但肥仔要越级挑战，当然是食柠檬收场，问到他现实生活的爱情经历，何远东却给了一个出人意料的答案，“我自己嘅爱情系惨淡嘅，以前有一段好稳定嘅感情，不过冇咗啦，最后结唔到果，做呢行冇乜时间俾到另一半。好细个识嘅，都差唔多拍咗有十年，入行之后就冇咗。(为做演员放弃段感情？)我又冇咁伟大，但人大个咗，大家目标唔一样，分开时都和平嘅，OK啦。拍呢套剧都有代入少少，其实拍嘅时候好投入，俾思贝拒绝已经好伤心啦。”演员等的就是一个有得发挥的角色，何远东今次终于等到了。